La Casa Cultura de Candás pertenez al Conceyu y correspuende la responsabilidá del so usu y empléu al Conceyu de Carreño. Naz col envís cimeru de valir como calce de participación y puntu de referencia sociocultural pa los habitantes del conceyu..

Cualquier persona o entidá asociativa del conceyu va poder disponer d'esti equipamientu, pa ello, tien que dirixir una solicitú per escrito nel Rexistru del Conceyu, señalando la naturaleza de l'actividá, llargor y horariu de la mesma y por alzao'l númberu de participantes; va tener qu'especificar tamién na solicitú la posible previsión de medios técnicos necesarios: cesión de material (sielles, meses... ) o equipamientu (videu, pizarra, cañón, pantalla... ). A la hora d'axudicar  la sala, van tener prioridá los grupos y colectivos culturales asitiaos y organizaos en Carreño. Mesmamente, van tener prioridá les actividaes culturales penriba otres d'otru calter.

La solicitú d'usu pa esposición pue ser pa estremaes modalidaes plástiques (pintura, escultura, fotografía, cerámica... ). Esti espaciu espositivu va ser susceptible d'usase pa conferencies mentanto nun s'alcuentre ocupáu por una esposición. En tou casu, plantearíense conferencies paralelamente a esposiciones, siempre que se pudiere complementar y el so desendolque nun acarriare agraviu nengunu a la esposición.

e obligao pal artista qu'esponga:

• El treslláu y montaxe de la obra.
• El/ l'artista o la persona nel qu'esti/a delegue va encargase de la vixilancia de la sala.

Documentos

• Baxa la solicitú d'usu de la Casa Cultura