Normativa municipal - ayto-carreno
Normativa Municipal
Reglamentu d'Honores y Distinciones
El reglamentu mentáu estructúrase en seis capítulos:
Honores del Conceyu.
Títulos de fíu predilectu y fíu adoptivu.
Nomamientu de miembros honorarios del Conceyu.
Medaya de la villa.
La rotulación a títulu honorífico de places, parques, aveníes, calles y paseos.
Y concesión d'honores.
Tien 20 artículos, dos disposiciones adicionales, dos finales y una derogatoria. Publicóse nel BOPA nu 8 del viernes 11 de xineru del 2013
Equí pues baxar l'anunciu nel BOPA del Reglamentu d'Honores y Distinciones del Conceyu de Carreño.
Manual d'Identidá Gráfica
Esti manual d'identidad gráfica ye un instrumentu valiosu que pretende facilitar y arriquecer la comunicación institucional. Los conteníos del mesmu deberán ser conocíos y asumíos dafechu por toes y caúna de les persones o instituciones que deban reflexar nos sos materiales promocionales el patrociniu o subvención del Conceyu, empreses de diseñu gráficu a les que se-yos encargue un trabayu, medios de comunicación y personal de los servicios municipales que tengan, directa o indirectamente dalguna responsabilidá sobre la comunicación del Conceyu en cualesquier de los sos niveles. El manual va formar parte de la documentación contractual en cualesquier suministru de material gráfico, pudiendo refugar ensin cargu aquellos trabayos que nun s'axusten exactamente a les sos indicaciones.
Los conteníoos d'esti manual nun van poder cambiase en nengún casu.
Equí pues baxar el manual d'identidá gráfica de Carreño.
Normatives Municipales
Nesti apartáu pues consultar la información qu'ofrecemos sobre les normatives municipales.
- Baxar el nuevu reglamentu de réxime interior pal mercáu municipal-plaza d'abastos de Candás-Carreño - pdf, 239 KB
- Baxar la ordenanza municipal de llimpieza viaria y xestión de recoyida de residuos - pdf, 554 KB
- Ordenanza de funcionamientu de terraces y otros elementos en terrenos públicos - pdf, 412 KB
La presente ordenanza municipal pretende establecer un marcu normativu pal exerciciu de les competencies municipales n'orde a la tenencia, defensa y protección de los animales de compañía..
- Baxar la ordenanza municipal d'animales de compañía - pdf, 508 KB
- Baxar la ordenanza reguladora del exerciciu de la venta fuera d'establecimientu comercial permanente en Carreño - pdf, 383 KB
APROBACIÓN DEFINITIVA DEL REGLAMENTU DEL CONSEYU MUNICIPAL DE LA INFANCIA Y L¿ADOLESCENCIA
Na sesión ordinaria celebrada'l día 25 de febreru del 2016, el Plenu Municipal alcordó dase por enteráu de que, al nun presentase suxerencies o reclamaciones nel periodu d'información pública contra l'alcuerdu adoptáu'l 26 de payares del 2015 d'aprobación inicial del Reglamentu de Conseyu Municipal de la Infancia y Adolescencia del Conceyu de Carreño creáu na mesma fecha, entiéndese definitivamente adoptáu'l citáu alcuerdu hasta agora provisional, de conformidá colo dispuesto nel artículu 49 de la Llei 7/1985, del 2 d'abril, reguladora de les Bases del Réxime Local.
Publícase nel BOPA nu 61, de fecha 14 de marzu del 2016, a los efectos de la so entrada en vigor.
El Conseyu Municipal de la Infancia y Adolescencia del Conceyu de Carreño ye un órganu de participación ciudadana onde se van abordar los temes tocantes a la situación de los neños, les neñes y la mocedá del nuestru conceyu.
Baxa equí la publicación definitiva nel BOPA.
APROBACIÓN PROVISIONAL DE LA ORDENANZA MUNICIPAL DE TRESPARENCIA, ACCESU A LA INFORMACIÓN Y REUTILIZACIÓN
Na sesión estraordinaria celebrada pol Conceyu Plenu'l día 11 de febreru del 2016, alcuérdase l'aprobación provisional de la Ordenanza Municipal de Tresparencia, Accesu a la Información y Reutilización, según el cuadru de conteníos y funciones pa la implantación de la Tresparencia nel Conceyu de Carreño, los modelos de declaración de bienes y derechos patrimoniales; actividaes y causes de posibles incompatibilidaes; modelu de currículu y retribuciones.
Publícase nel BOPA nu 61, de fecha 14 de marzu del 2016, a los efectos abrir plazu de reclamaciones y/o suxerencies per un plazu de trenta díes hábiles. Nel supuestu de que nun se presentara nenguna reclamación o suxerencia nel plazu establecíu, va entendese definitivamente aprobáu l'alcuerdu hasta agora provisional.
El plazu pa presentar reclamaciones y/o suxerencies fina'l día 21 d'abril del 2016.
La ordenanza presente tien por oxetu l'aplicación y desarrollu de la Llei 19/2013, de 9 d'avientu, de tresparencia, accesu a la información pública bon gobiernu y de la Llei 37/2007, de 16 de payares, sobre reutilización de la información del sector públicu, al traviés del establecimientu d'unes normes que regulen la tresparencia de l'actividá de la Entidá Local, mesmamente del exerciciu del derechu de reutilización y accesu a la información pública, estableciendo los medios necesarios pa ello que van ser preferentemente electrónicos.
Baxar equí la publicación nel BOPA.
FICHA D'ACREEDORES
La ficha d'acreedor ye una declaración cola que se comuniquen al Conceyu de Carreño los datos de la cuenta bancaria (DEBEN SER 24 DÍXITOS).