Atendiendo a l'actual situación de crisis sanitaria y declaración d'estáu d'alarma, pa curianos toos y toes, vecindá y personal municipal, el Conceyu de Carreño quier ayudate nes tos xestiones y evitar que te muevas y cuerras riesgos innecesarios.

Toles persones tenemos que saber que p'averase a la Casa Conceyu van tener que cumplise les midíes obligatories de protección, escomenzando por asistir a la Casa Conceyu nel horariu fixáu, siendo puntual, evitando esperes innecesaries. La entrada na Casa Conceyu va ser controlada y toos/es vamos tener que llevar mázcara, usar xel desinfestante y respetar les distancies de seguridá.

Soi ciudadanu/a:

Si precises venos

Tienes que pidir la to cita previa. Tienes que llamar al 985 87 02 05 n'horariu de 9:00 a 14:00 de llunes a vienres, y vamos dicite'l día y la hora de la to cita previa.

Pol bien de toos/es rogamos sías puntual y cumplas les midíes obligatories (mázcara, usu de xel, distancia de seguridá, etc.)

Si precises unvianos documentación

Tienes que cubrir una instancia, puedes descargala de la nuesa sede electrónica, pidínosla per corréu electrónicu y unviala per corréu electrónicu a sergenerales@ayto-carreno.es

Si tas contestando a una comunicación d'esti Conceyu, indícanos el númberu d'espediente.

Si precises empadronate o un certificáu del Padrón Municipal

Tienes qu'unviar un corréu electrónicu a padron@ayto-carreno.es y vamos ponenos en contactu contigo.

Si precises pagar¿ 
Tienes que llamar al 985 87 02 05 n'horariu de 9:00 a 14:00 de llunes a vienres y calcar la opción 1 "Servicios económicos", y vamos dicite cómo puedes pagar.

Si precises una consulta cola Oficina Técnica Municipal
Tienes que llamar al 985 87 02 05 n'horariu de 9:00 a 14:00 de llunes a vienres y calcar la opción 2. 

Si precises cita col arquiteutu o apareyador municipal, tienes que llamar al 985 87 02 05 n'horariu de 9:00 a 14:00 de llunes a vienres y calcar la opción 2, y vamos dicite'l día y la hora de la to cita previa, que va ser un miércoles o un vienres.

Si precises cita con Servicios Sociales.
Tienes que llamar al 985 87 05 35 n'horariu de 9:00 a 14:00 de llunes a vienres, y vamos dicite'l día y hora de la to cita..

Si precises consultar colos Servicios Tributarios del Principáu d'AsturiesNel Conceyu de Carreño los miércoles de 9:00 a 14:00 hai personal del Principáu d'Asturies p'atendete, col pidimientu previu de cita qu'has solicitar nel teléfonu 985 66 87 00 o al traviés de corréu electrónicu citaprevia@tributas.es

Soi EMPRESA:

Tienes que te rellacionar electrónicamente col Conceyu al traviés de la nuesa sede electrónica.
Si tienes dalgún problema col certificáu dixital o cualesquier otra cuestión técnica, puedes mandar un corréu electrónicu a informatica@ayto-carreno.es
 

Si precises consultar colos Servicios Tributarios del Principáu d'Asturies¿.Nel Conceyu Carreño, los miércoles de 9:00 a 14:00, hai personal del Principáu d'Asturies p'atendete, col pidimientu previu de cita qu'has solicitar nel teléfonu 985 66 87 00 o al traviés de corréu electrónicu citaprevia@tributas.es