Bienvenida Institucional

L’Ayuntamientu Carreño date la bienvenida al nuestru conceyu pente medies d’esta páxina web, na que vas atopar tola información relevante sobre la estructura’l Consistoriu y l'actividá diaria del conceyu. Equí vas alcontrar información local en xeneral. Amás, vas poder realizar pagos y domiciliaciones, consultar y inscribite nes nuestres ufiertes d'empléu o acutar les instalaciones deportives, consultar la información turística y l'estáu de les nuestres playes, conocer la situación socioeconómica del conceyu, tamién la nuestra rede de servicios y ufierta braniega, ente otres munches coses.

Carreño ye un conceyu actual, progresista, comprometíu colos cambeos sociales y mui activu na atención a la persona. Tamos equí pa sirvir y por eso, caldía dedicamos la nuestra xestión a defender y ameyorar los servicios públicos y los derechos de les persones. Pa ello, la puerta siempre ta abierta pa los vecinos y vecines de Carreño, al igual que pa los visitantes, tanto nos edificios públicos como al traviés d'internet, pa tar siempre al llau de la ciudadanía y conocer los sos problemes y demandes de primer mano per tolos calces posibles.

Queremos averate a un solu clic la realidá de Carreño, un conceyu con una conocida tradición venceyada a la mar y a la industria la conserva, pero tamién a una puxante agricultura y ganadería, y a la gran industria que dende fai más de 60 años s’instaló nel nuestru suelu xenerando desarrollu económicu y convirtiéndonos nun de los conceyos con más futuru d'Asturies. Y cómo non, a la nuestra ufierta turística, basada na identidá marinera, les nuestres costes y playes, pero, sobremanera, nel paisaxe y na xente, que ye cercano, atento y ta agradecío de que nos visiten.

Carreño ye un conceyu vivu, dinámicu, con muncha actividá. Ye tierra de deportistes, pero tamién de músicos, de pintores, y mui pegada a la lliteratura. Onde Clarín consiguió inspirase pa delles de les sos obres, onde la música suena en teatros, places y chigres, onde la escultura se fai dueña de museos y parques. Un conceyu que caltién una ufierta cultural variada qu'inclúi inclusive'l cine y el teatru, col nuestru Teatru Prendes. Carreño ye un conceyu allegre que nun has perder.

Un saludu a les vecines y vecinos de Carreño y a toles persones que nos visiten.

Ángel Manuel García Vega

Alcalde de Carreño