Ye una prestación social qu'ayuda a persones y families nes sos propies cases cuando presenten dificultaes pa facer les actividaes básiques de la vida diaria, faciendo posible la permanencia nel so ambiente. Pretende tamién asistir a les persones que desempeñen la xera de curiar a los sos familiares pa que tengan tiempu pa sigo mesmes facilitándo-yos momentos de respiru familiar. Ríxese pola Ordenanza Municipal del Serviciu d'Ayuda a Casa.

Va empobináu a toes aquelles persones o families que tengan dalguna dificultá p¿apañase na vida diaria de resultes de problemes físicos, mentales, avanzada edá, problemes familiares o causes culturales.
En tou momentu inténtase qu'esti serviciu fomente l'autonomía de la persona o unidá familiar, polo que se busca que los apoyos ayuden a algamar, caltener o reponer aquelles capacidaes y habilidaes que resulten necesaries pa valise na vida diaria.

Danse apoyos pa l'atención personal como la hixene y la vistimenta, ayuda pa comer o llevantase y movese dientro y fuera de casa; pa l'alministración y control de la medicación pautada polos servicios médicos.

El gabitu p'actividaes doméstiques acutaría, según les necesidaes, lo rellacionao cola llimpieza de la casa, llavar y planchar la ropa, mercar y y facer les comíes. Ayúdase tamién, nos casos qu'asina lo necesitaren, a facese coles habilidaes educatives pa los y les menores y na organización de la casa y del presupuestu familiar.

• Baxar la solicitú
• Autorización de solicitú de datos