Nes ordenances fiscales aprobaes añalmente pola corporación municipal establécense bonificaciones pa les unidaes familiares en función de los sos ingresos rellacionaos col salariu mínimu interprofesional (SMI):

• Ingresos añales inferiores al SMI.: 100%.
• Ingresos añales menores o iguales que 1,05 pol SMI: 75%.
• Ingresos añales menores o iguales que 1,10 pol SMI: 50%.
• Ingresos añales menores o iguales que 1,15 pol SMI: 25%.

Pa la determinación de los recursos de la unidá familiar ha computase'l conxuntu de los que reciba la persona o persones que la constitúin, yá sía en  conceptu de renta, retribuciones, pensiones o por cualesquier otru conceptu.

La bonificación va dase a una única unidá familiar y a una única casa. Esta bonificación tien vixencia dende la fecha de concesión hasta que fine l'añu natural, teniendo de renovalu antes del 15 de febreru del añu siguiente, acreditando con xeitu la continuidá de la situación que dio orixe a la exención o bonificación.

Les solicitúes van presentase nel centru de Servicios Sociales nel modelu oficial, acompañáu de la documentación afayadizo en cada casu.

• Baxar la solicitú
• Autorización de solicitú de datos