La Llei 40/2003 de 18 de payares de protección a les families numberoses establez quién tien esta consideración y los beneficios qu'ello trai. Con calter xeneral son families numberoses les formaes por unu o dos ascendientes con tres o más fíos/es, sían comunes o non. Tamién son families numberoses les compuestes por:

• Unu/a o dos ascendientes con dos fíos/es, si siquier unu/a ye discapacitáu/ada.
• Dos ascendientes, discapacitaos/es dambos/es o siquier unu/a d'ellos/es, nun grau igual o superior al 65%, con dos fíos/es.
• Padre o madre, en situación de separación o divorciu, con tres o más fíos/es, comunes o non, anque tean en distintes unidaes familiares, si tán baxo la so dependencia económica.

Les families numberoses clasifíquense en dos categoríes:

• Especial:
  • Les que tengan 5 o más fíos/es.
  • Les que tengan 4 fíos/es si siquier 3 vienen de partu, adopción o acoyimientu múltiples.
  • Les que tengan 4 fíos/es cuando los ingresos per cápita de la unidá familiar nun superen el 75 % del salariu mínimu interprofesional añal, incluíes les pagues estraordinaries.
• Xeneral: les demás families.

La solicitú de reconocimientu o de renovación de la condición de familia numberosa pue presentase nesti centru de Servicios Sociales o directamente na Conseyería de Bienestar Social.