Estas en:

Ayudes económiques

Emerxencia social

Tienen esta consideración les situaciones que provoquen gastos estraordinarios pa cubrir necesidaes específiques básiques y urxentes. Son de calter finalista, pagu únicu y tienen de ser xustificaes con posterioridá.

Apoyu económicu pa gastos xenerales

Inclúyense les situaciones de falta total d'ingresos o aquelles nes que los llograos nun son abondos dafechu pa cubrir necesidaes de calter xeneral. Precísase la esistencia d'una intervención técnica y l'aceptación y collaboración per parte de la persona usuaria.

Prestación alimenticia

Empobínase a garantizar les necesidaes básiques d'alimentación mientres se tramiten otru tipu de recursos y s¿instrumenta al traviés de vales tramitaos selmanalmente pol Centru de Servicios Sociales. L'importe de los vales cambia en función de la composición de la unidá familiar.

Subvención pa instalación d'ascensor

Tien como oxetivu collaborar na supresión de barreres arquitectóniques n'edificios privaos, subvencionando a persones propietaries de les que la so situación económica nun-yos dexe encarar ensin ayuda'l costu de la obra. Los requisitos p'acceder a la subvención son los siguientes:

  • Les persones que la soliciten tendrán de tener la so residencia permanente na casa allugada nel edificiu onde se va a instalar l'ascensor oxetu de la subvención.
  • Tar empadronaes y vivir nel conceyu con una antigüedá mínima de dos años.
  • Los recursos de la unidá familiar nun van poder superar en nengún casu los ingresos ponderaos fixaos d'alcuerdu a les tables publicaes añalmente pola Conseyería d'Infraestructura y Política Territorial.
  • Les persones beneficiaries d'esta subvención nun van poder vender la so vivienda nun plazu mínimu de cinco años. De facelo asina tendrán de devolver la cantidá recibida en conceptu de subvención.

Les solicitúes han presentase en modelu normalizáu y cola documentación afayadizo nel centru de Servicios Sociales.