Vivienda - ayto-carreno
Vivienda
Información y tramitación nel so casu de los recursos p'acceder a vivienda.
Viviendes de promoción pública
Son viviendes de protección oficial, promovíes pol Principáu d'Asturies y van destinaes a families residentes nel conceyu de Carreño que nun tienen otra vivienda y cumplan los requisitos esixíos en cada convocatoria. El trámite de recepción de solicitúes failu'l Conceyu y pa la valoración constitúyese una ponencia que ye la encargada d'estudiar les solicitúes y facer la propuesta d'axudicación al Conseyu de Gobiernu del Principáu que va ser l'órganu encargáu de resolver.
Más información: www.asturias.es
Ayudes a vivienda
El Principáu d'Asturies, al traviés de la conseyería correspondiente, tien ente los sos oxetivos el de favorecer l'accesu de la ciudadanía a una vivienda (Plan Asturianu de Vivienda 2006-2008), per aciu la concesión d'ayudes pal arriendu, l'adquisición y el remocicamientu de viviendes.
Más información: www.asturias.es
Viviendes d'emerxencia
Tienen por oxetu atender situaciones individuales y colectives de necesidá de vivienda que demanden una solución urxente. La valoración de les solicitúes d'emerxencia faise pol Conceyu en base al Decretu 30/2003 de 30 d'abril, modificáu pol Decretu 75/2004 de 24 de setiembre, según la ellaboración de propuesta de concesión o refugu. L'axudicación o refugu va facese por resolución del titular de la conseyería competente en materia de vivienda.
Más información: www.asturias.es
Viviendes de propiedá municipal
El Conceyu de Carreño dispón de 37 viviendes de la so propiedá, anguaño toes ocupaes, que tán destinaes al arriendu según los criterios y baremos establecíos nel Reglamentu d'Accesu a Viviendes de Propiedá Municipal. La información y tramitación de les solicitúes faise dende'l centru de Servicios Sociales.
Ayudes municipales p'arriendu de vivienda
Enmárquense dientro d'una intervención técnica dende SSSS y dempués de la movilización de tolos recursos disponibles. Hai que xustificar el gastu mensualmente y tien una duración llimitada que se fixa considerando cada situación..