Centru de Día y CAI - ayto-carreno
Les Escueles
Entamóse un proyectu de remocicamientu, reforma y ampliación del edificiu cultural Les Escueles en Candás, asitiáu na cai Bernardo Alfageme, 5 nel plenu centru de la villa.
L'oxetu d'esti proyectu ye adaptar l'antiguu edificiu, que tuvo usos como centru educativu y cultural, a los usos derivaos del so futuru usu como centru de día pa persones mayores dependientes y centru d'apoyu a la integración de persones discapacitaes. Esti proyectu ye una iniciativa del Conceyu de Carreño y cuenta col financiamientu de la Conseyería de Vivienda y Bienestar Social del Principáu d'Asturies. El presupuestu d'esta obra xube a 1.058.949,19 euros.
La obra, que ta dirixida pol arquitectu Manuel García García, consta d'un pisu so rasante, el suétanu, y 3 pisos amás del aprovechamientu de la cubierta sobre rasante. La cubierta, terraza que se crea col proyectu, va destinase al espardimientu de les persones qu'ocupen el primer pisu y el baxu, quedando poro acutáu'l so usu puramente a estos/es usuarios/es.
Nun llugar estremáu de la mesma y ensin producir interferencies cola zona anterior, va asitiase tamién, nun cuartu aislláu acústicamente, la maquinaria y sistemes d'instalaciones destinaos al aprovechamientu de la enerxía solar térmica.
Un resume de les superficies construíes sedría'l siguiente
:
- Suétanu 249,00 m2.
- Baxu 513,24 m2.
- Primer pisu 383,48 m2.
- Pisu segundu 383,48 m2.
- Guardilla 55,10 m2.
El centru de día pa persones mayores dependientes ye un recursu social que se define como centru xerontolóxicu, socioterapéuticu y d'apoyu a la familia que mientres el día, ofrez atención individualizada a les necesidaes básiques, terapéutiques y sociales de la persona mayor dependiente, promoviendo la so autonomía y una permanencia afayadiza nel so ambiente habitual.
Servicios y programes:
- Mantención.
- Tresporte.
- Asistencia nes actividaes de la vida diaria.
- Cuidáu pa la salú.
- Programes d'intervención terapéutica.
- Programes socio-recreativos.
- Programes d'intervención con families.
- Programes d'intervención ambiental.
- Programes de formación.
- Estimulación multisensorial
- Musicoterapia
- Wii terapia: entretenimientu + terapia