La intervención proyectada pa esti pisu ye una consecuencia d'evitar la esixente, complexa y costosa intervención constructiva y estructural, que demandara la opción de caltener los faldones de la cubierta a dos agües que tenía l'edificiu; y el non menos favoratible aprovechamientu que se consigue cola terraza plana creada pa orientar y asitiar los sistemes y maquinaria que demanda l'aprovechamientu d'enerxía solar térmica qu'esixe'l CTE-HE.

Tocantes a la distribución interna d'esti pisu, va facese una intervención mínima obligada na mayor parte de casos pola necesaria execución de los servicios y infraestructures d'instalaciones qu'han de ser previstes como comunes, y executaes nestes fases de les obres pa poder da-yos un usu nel momentu que se decida adaptar el restu del edificiu.

• Nucleu d'escalera: 31,60 m2.
• Terraza plana y antoxana cubierta: 286,71 m2.

El respetu de los güecos abiertos anguaño nes fachaes, tanto en dimensión como posición, escoyóse como'l grau d'intervención más razonable que podía imponese al tresformamientu de les fachaes, pero ensin incumplir les esixencies de llume, privacidá y mesmamente'l moblame que van poder llegar a demandar los espacios a los que sirven.

Sobre estes premises cobicioses, pero al empar realistes y coherentes colos oxetivos funcionales y económicos de la intervención programada, ye sobre la que se constrúi la nueva imaxe del edificiu que va haber de ser sede del Centru d'Apoyu a la Integración de Persones Discapacitaes y Centru de Día pa Persones Mayores Dependientes, nun allugamientu de gran significación urbana nel centru de Candás.