Centru salú de Candás

Nos sos oríxenes esti edificiu foi de calter benéfico asistencial, y yera conocíu como El Hospital del Mar.

Construíu nel 1917, ye una muestra del eclecticismu final y caltién un gran balcón facetáu que s'abrió nel 1935 p'allumar la sala d'operaciones.

El centru de salú de Candás ta asitiáu na avenida Reina María Cristina, bien próximu al conocíu parque de Les Conserveres.

Esti centru, coordináu por Elena Pérez Iglesias, da asistencia médica a tola capital del conceyu, Candás, y a parte de la zona rural, amás d'encargase de les urxencies de tol conceyu.

El personal sanitario col que cuenta son: 4 médicos/es titulares, 4 ATS y 1 pediatra.

Horariu

• Consultes y recetes: de 8:00 a 15:00 hores.
• Análisis: llunes, miércoles y vienres a les 8:00 hores.

El centru cierra les sos puertes al públicu a les 22:00 hores, permaneciendo en tou momentu la esistencia d'un serviciu de guardia para les urxencies.

Teléfonos pa contactar

• Cita previa y avisos de casa: 985 87 12 16
• Urxencies: 112

Consultoriu periféricu "El Empalme"

L'ambulatoriu de L'Empalme, ye'l centru de salú qu'utiliza la población de les distintes parroquies de la zona rural del conceyu y depende directamente del de Candás.

Ta asitiáu nun puntu intermediu, Prevera, y dispón de servicios de tresporte pa facilitar el desplazamientu d'aquelles persones que nun tienen vehículu propiu.

Nesti centru auxiliar tán trabayando 2 médicos/es titulares y otros 2 ATS, amás d'un/a pediatra que pasa consulta los martes y xueves.

Horariu

• Consultes y recetes: de 8:30 a 12:30 hores, yá que depués tienen que facer  visites nes cases a les persones enfermes que nun tán en condiciones de movese hasta dichu centru.
• Análisis: llunes, miércoles y vienres a les 8:00 hores.

Atiéndense urxencies hasta les 15:00 hores; d'ehí p'acá pasen al centru de salú de Candás.

Teléfonos pa contactar

• Información: 985 16 90 70
• Cita previa y avisos de casa: 985 87 12 16