¿QUÉ  YE LA REDE MUNIWIFI C@RREÑO DIGIT@L?

Ye una infraestructura municipal entamada pol Conceyu de Carreño destinada a satisfaer les necesidaes d'accesu a internet y les nueves tecnoloxíes a les persones que viven na zona rural del conceyu. Constrúyese naquelles zones onde los operadores tradicionales de telefonía nun ufierten un accesu a internet banda ancha. Esta Rede Muniwifi ufierta la solución, vía inalámbrica, y dota de conectividá a internet a les cases de les persones interesaes. Ye la rede inalámbrica tipu WiFi rural más grande d'Asturies y una de les mayores d'España (561 Hectárees - 5,61 Km2). La primer rede del so tipu multioperador n'España (mayor ufierta pa les persones usuaries y un meyor ordenamientu de la infraestructura inalámbrica- menos antenes y más usu optimizáu). Tien capacidá colocada, nesta I fase d'accesu a internet banda ancha, pa más de 200 cases. Ampliable nel tiempu y con calidá de serviciu (QoS) integrada, lo que va dexar el so usu pa la telefonía IP sustituyendo, naquelles cases que quieran, los teléfonos d'accesu celular (TRAC).

Equí pues baxar un resume del proyectu de rede rural inalámbrica.

¿QUE ÁREES ACUTA?

En concreto, la zona rural del conceyu de Carreño, tomando nesta primer fase, árees de les parroquies de Prevera, Quimarán/Guimarán, El Valle, Ambás y Llorgozana.

Mapa de Cobertura

¿YE DE BALDRE?

El preciu pa dase d'alta pa la conexón a internet ye de 20 euros/casa, nuna sola cuota, a lo que tienes d'añader el preciu mensual de la to conexón.

 Si amás d'esto, quies sustituir el teléfonu TRAC, consulta nel Centru de Dinamización Tecnolóxica Local C@rreño Digit@l les tarifes.
 

Equí pues baxar el formulariu de solicitú d'alta que tienes de presentar nel Rexistru del Conceyu.
Equí pues baxar el formulariu de solicitú d'alta que tienes de presentar nel Rexistru del Conceyu.

FUNCIONAMIENTU:

Na antigua escuela de Priendes l'operador dispón d'una regleta de pares de telefónica y un armariu pa colocar la llinia de telefónica de caún de los/es vecinos/es y ADSL.

• En tando colocada la llinia, el Conceyu va encargase de conectar la vivienda per mediu de la rede inalámbrica.

INSTALACIÓN NA VIVIENDA:

• Na vivienda colócase una antena esterior y un cable dende l'antena al llugar nel que s'atopa'l PC y/o'l teléfonu. L'antena va dir fondiada al mástil de la TV.
• Onde s'allugue'l PC y/o'l teléfonu va tener qu'esistir una toma de corriente, pa conectar l'antena.

MÁS INFORMACIÓN:

Contacta col CDTL C@rreño Digit@l (antiguu telecentru) pa ver si la rede tien yá cobertura na to casa y infórmate de los detalles del serviciu.

 Señes: pisu baxu del centru polivalente La Baragaña c/Bernardo Alfageme 4. 33430 Candás.

 Teléfonos: 985 87 21 38 - 985 87 24 06 Est. 23

 Corréu electrónicu: cdtl@ayto-carreno.es