Antecedentes

L'apaición de numberoses actividaes rellacionaes col monologuismu (televisión, radio, teatru), y l'ésitu que tán collechando en tol mapa nacional y internacional, despierta la intención per parte del Patronatu Centru Cultural Teatro Prendes, entidá organizadora del Salón de Teatru Costumista Asturianu de Candás, de reivindicar un arte eminentemente asturianu: el monologuismu cómicu asturianu.

Dende l'añu 2000, añu de celebración de la décima edición del nuestru Salón, celebramos nel mesmu una función especial de monologuismu consistente en dalguna actuación de monologuismu cómicu asturianu y l'homenaxe a un monologuista y/o a aquelles persones o entidaes que promuevan la divulgación del monologuismu asturianu.

Col enfotu de dir más allá y de dar a conocer esti arte tan vieyu na nuestra rexón, el Patronatu Centru Cultural Teatru Prendes conxuntamente y en base a la propuesta fecha por D. Carlos Alba "Cellero" (monologuista, actor, periodista y cuentacuentos) pon en marcha'l lII taller d'aniciu al monologuismu cómicu asturianu col enfotu de facer posible la conocencia dende dientro del monologuismu asturianu y d'esta manera introducir nel mesmu a toes aquelles persones que quieran aniciase na so práctica y que nun tengan nociones iniciales.

Oxetivos

• Formar intérpretes de monólogos cómicos asturianos con recursos pa interpretar testos clásicos pero tamién pa facer histories modernes.
• Fomentar el rescate de la tradición oral y la so adaptación escénica como cuentos, chistes, comentarios...

Metodoloxía

Práctica. Futures y futuros monologuistes fadrán histories dende'l primer día.

Material

Unos díes enantes va repartise a tol alumnáu copies de testos pa que vaigan escoyendo y aprendiéndolos.

Tamién se trabaya con histories que'l propiu alumnáu recueya del so entornu.

Programa

Análisis activu del testu.

• El material del alumnáu: un corpus que va dende'l monólogu teatral hasta'l chiste.
• Espresión corporal.
• Audición y análisis de grabaciones de monologuistes: Arsenio Díaz Pachín, Antonio Medio, Xosé La Guardada, Martín Prado, Pandiella, Pin de la Cotolla...
• Voz: respiración y impostación.
• Interpretación:
  • Cuntar dende la mesma persona.
  • Formes de preparar el testu.
  • Atopar un personaxe.
  • Trabayu con oxetos.
  • El músculu "la imaxinación"
  • La improvisación. Recoyida de testos de tradición oral.

Númberu de participantes: 10-15

Hores: 15 (Estremaes en 5 clases)

Preciu

• Añu 2007: 24 euros (con testos y entraes pa funciones del Salón).
• Apúrrese certificáu d'asistencia al rematar el taller.