Serviciu de Normalización Llingüística - ayto-carreno
Serviciu de Normalización Llingüística
La llingua asturiana afítase como parte sustancial del patrimoniu cultural d'Asturies cosa que l'alministración pública, en collaboración con entidaes y asociaciones, reconocemos y atendemos, siguiendo un principiu d'elemental respetu y valoración de la diferencia. Asina, los conceyos que faen un usu públicu y visible del Asturianu ofrecen a la ciudadanía un serviciu que protexe los sos derechos llingüísticos; potencien activamente'l patrimoniu cultural y llingüísticu dándo-y garantíes de sobrevivencia y, en definitiva, fomenten la imaxe cultural de los propios conceyos favoreciendo'l conxuntu de los atractivos que los/les visitantes son a disfrutar.
Esta normalización llingüística supón un refileru midíes onde vamos poder atopar l'Asturianu: na imaxe corporativa (logotipu de los organismos municipales, rotulación de dependencies municipales o locales que dependen del conceyu...); na documentación, anuncios y publicidá municipal; nos medios de comunicación; nos lletreros y rótulos de víes públiques asina como los nomes de los llugares de los conceyos; na vida comercial y empresarial; na formación llingüística de ciudadanos y funcionarios; na ufierta cultural, etc.
El Serviciu de Normalización Llingüística (SNL) ye un serviciu qu¿ufierta la Mancomunidá d¿El Cabu Peñes y que vien faciendo abondes actividaes empobinaes a la consecución d¿una plena normalización de la Llingua asturiana nel nuestru ámbitu d¿actuación tratando que l¿Asturianu tea presente nos sos servicios y poniendo en marcha programes empobinaos a la población y a les entidaes asociatives culturales o empresariales de los conceyos de Carreño y Gozón asesorándolos mesmamente de toa una riestra subvenciones que convoca¿l Principáu (www.politicallinguistica.org) pa toes aquelles asociaciones y/o entidaes que tengan l'enfotu de facer un usu dignu de la llingua asturiana.
Esti serviciu ofrezse a participar de tou tipu d¿actividaes y programes pa cualesquier xera que fuere necesaria: torna de carteles y demás, campañes, suxerencies, actividaes, emplegu de los nomes tradicionales na gastronomía, toponimia (Ver BOPA de 6 de mayu de 2005 pa consulta del espediente toponímicu de Carreño). Pa facilitar el nuestru llabor informativu y asesor, ofrecémoste los nuestros datos de contactu. Nel formulariu que vien darréu pues unviar cualesquier información o consulta que consideres d¿interés.
Tamién pues contactar per teléfonu nos númberos que vamos detallar darréu o en persona nes nuestres oficines con señes:
Contactu
Candás
- Centru Polivalente "La Baragaña"
- Señes:
- C/ Bernardo Alfageme, 4.
- Horariu:
- Llunes y miércoles de 10:00 a 14:00 y vienres de 9:00 a 14:00 horas.
- Teléfonu:
- 985 87 24 06
Lluanco
- Dirección:
- C/ El Fuerte, Peroño s/n.
- Horario:
- Martes y xueves de 10:00 a 14:00 horas.
- Teléfono:
- 985 88 35 32
- Corréu electrónicu:
- xardu@hotmail.com
- Facebook:
- Serviciu de Normalización llingüística de la Mancomunidá d¿ERl Cabui Peñes
Legislación
Topónimos oficiales de Carreño
- Baxar el Decretu 30/2005 de 21 d'abril, pol que se determinen los topónimos del Conceyu de Carreño
- Baxar el Decretu posterior de 26/2014 de 12 de febreru por el que se modifiquen algunos topónimos oficiales.
- Baxar el mapa de topónimos.