El Conceyu de Carreño pon en marcha la nueva edición de los cursos d'estensión cultural, qu'un añu más van desarrollase ente los meses de payares y mayu.
Esta nueva edición qu'inclúi les novedaes siguientes:

• Automaquillaxe.
• Toques de pandereta.
• DJ y música electrónica.
• Customizar y arreglar ropa
• Telar manual y artesanal.
• Nuevos cursos d'informática: programes pa la creación de comics (aniciu)

Tamién van ampliase'l cursu de cerámica,  desdoblándolos n'aniciu y ampliación p'abarcar la demanda de los mesmos.
.

NORMES DE MATRICULACIÓN:

La inscripción va poder facese nel Conceyu de Carreño dende'l 1 al 16 d'ochobre del 2015 dambos inclusive nel horariu siguiente:
Llunes, miércoles, xueves y vienres de 9 a 13 hores.
Martes de 9 a 13 hores y de 15 a 18:30 hores.
Nesti periodu faise'l pagu de la matrícula de los cursos y los impresos oficiales de matrícula van poder descargase equí.

Baxa l'impresu de matrícula.

Van tener preferencia de matrícula les persones residentes nel conceyu de Carreño. Les places van dase por rigorosu orde de rexistru d'entrada.

Les persones d'otros conceyos van poder solicitar la inscripción pero en llista de reserva, o en cursos onde nun se completen les matrícules. Sicasí, nes llistes de reserva, la preferencia va ser pa los/les vecinos/es de Carreño. Les axudicaciones van facese por rigorosu orde correllativu en función de la fecha del abonu de la matrícula.

Con cuenta de que la mayoría de persones puean facer dalgún cursu, namás van poder escoyer unu preferente y un máximu de dos de reserva.

Na tramitación, cada persona namás va poder presentar la so instancia y la d'otra persona. Menos les asociaciones vecinales de la zona rural que van poder presentar n'andecha les solicitúes de la so zona.

Les places van ser llendaes y pa salir los cursos, tendrá d'haber un mínimu de 15 persones matriculaes pa los cursos de Candás y de 10 persones matriculaes pa los cursos de la zona rural. La Comisión de Cultura acútase la posibilidá d'anular aquellos cursos pa los que nun se solicitaron abondes matrícules, y modificar los díes y horarios en función del númberu d'inscripciones.

ENTAMU DE LOS CURSOS. La presentación oficial va ser el vienres 23 d'ochobre a les 18 hores nel centru polivalente. Entamu de los mesmos a partir del día 26 d'ochobre del 2015, el día que correspuenda según l'horariu previstu en cada cursu. Menos "automaquillaje" "toques de pandereta" "Dj y música electrónica" "telar" que van entamar en xineru y "formación pa propietarios/es de perros" qu'entama en febreru.

BONIFICACIONES:

• Establezse una bonificación del 50 % nos precios de matrícula pa les persones que tean en situación de desempléu de llarga duración. Pa poder optar a ello, va pidise qu'acrediten nel momentu de matriculase un certificáu orixinal del Serviciu Públicu d'Empléu, nel que conste la so situación de persones desempleaes mientres un añu de contino.