Estas en:

Centru de Dinamización Tecnolóxica Local

Lo que güei conocemos como Centru de Dinamización Tecnolóxica Local, CDTL C@rreño Digit@l, entamó nel añu 2000 so la figura de telecentru adscritu a la Rede de Telecentros del Principáu d'Asturies. Anguaño depende del Conceyu de Carreño en virtú d'un conveniu añal que se suscribe a la Conseyería d'Alministraciones Públiques.

L'antiguu telecentru pasó a ocupar una bona parte del pisu baxu del centru polivalente La Baragaña. Ye un equipamientu municipal telemáticu, que xunto cola Rede d'Aldees Dixitales, sigue cola llinia de trabayu programada nel plan "Carreño Dixital": conectar territorios y persones. Estos espacios constitúin la principal ferramienta de participación ciudadana al traviés de les tecnoloxíes de la información y la comunicación nel nuestru conceyu.

El CDTL contribúi a la incorporación de la ciudadanía a la sociedá de la información, calteniendo les actividaes formatives desarrollaes en periodos anteriores y incorporando nuevos servicios d'alministración electrónica, too ello empobinao a la consecución de los siguientes oxetivos clave::

  • Democratizar l'accesu a la sociedá de la información y dexar que distintos grupos de población se beneficien d'ella.
  • Desmitificar les supuestes dificultaes d'usu y manexu básicu de les tecnoloxíes de la información.
  • Poner a disposición de la ciudadanía una ferramienta d'accesu a la información, la formación, l'empléu, l'ociu, los servicios públicos, les rellaciones sociales y la cultura.
  • Identificar y esperimentar les ventayes del usu racional de les tecnoloxíes dixitales na vida cotidiana.

Equipamientu

Cuenta con una rede de trenta y tres equipos informáticos distribuíos en 3 cuartos: Navegación, Formación y Rapacin@s.

Equipamientu del CDTL C@rreño Digit@l Sala de Navegación 19 = 16 + 3 equipos pa xestión
Sala de navegación 19 = 16 + 3 equipos pa xestión
Sala de formación 10 = 9 + 1 equipo pa docente
Sala Rapacin@s 7 = 6 + 1 equipo pa docente
Equipamientu total 36 Ordenadores

Ta xestionáu por un coordinador y una técnica del proyectu, que cuenten col apoyo de personal adscrito al plan d'empléu local y programes d'acciones complementaries.

Horariu

De llunes a vienres, de 9:00 a 21:00 hores de contino

Galería d'imáxenes