Telecentru urbanu, centru homologáu pa dar cursos del Plan Nacional de Formación y Inxertamientu Profesional (FIP).

Premiu Computerworld como esfuerzu a la modernización y premiu a les bones práctiques de los programes locales d'empléu otorgáu pola Conseyería de Trabayu del Principáu d'Asturies, dientro de la llinia III de meyora de la empleabilidá de los/es desempleaos/es.

Telecentru urbanu, centru acreditáu pola Fundación European Software Institute pa la certificación de conocimientos ofimáticos a nivel européu.

Premiu meyor iniciativa en comunicación otorgáu pol Gobiernu del Principáu d'Asturies al telecentru C@rreño Digit@l con motivu del I Concursu d'Iniciatives Singulares desarrollaes na Rede de Telecentros d'Asturies nel Día d'Internet 2006. Proyectu desarrolláu Déjate ver on line en collaboración coles escueles rurales y el Centru d'Apoyu a la Integración.

• Premiu tendencies a la meyor iniciativa de ciudá dixital (proyectu européu xestionáu pol Ministeriu d'Industria, Turismu y Comerciu). Premiu nacional entregáu en Madrid na Cumbre de Ciudaes SIMA 2006, entamada pol grupu Planner.
• VII Premiu Adolfo Posada modalidá C pol proyectu "C@rreño Digit@l: Infraestructures, Conectividá, Alfabetización Dixital y Participación Ciudadana". Uviéu, 11 d'avientu del 2006.
• Premiu del concursu d'iniciatives Día del Abuel@ - Niet@ convocáu pol Gobiernu del Principáu d'Asturies, proyectu presentáu Historias para contar, recuperación d'oficios tradicionales marineros con mayores de Candás, talleres didácticos colos  neños y neñes y edición de vídeos, power point y DVD colos conteníos desarrollaos. Ochobre del 2006.

Finalista nel I Concursu d'iniciatives singulares con persones inmigrantes desarrollaes na rede de telecentros d'Asturies nel Día d'Internet 2007. Proyectu desarrolláu Cocinando Historias.

El sitiu web del Conceyu resulta finalista nos IV Premios TAW 2008 a l'accesibilidá web na categoría de web pública más accesible p'alministraciones públiques de rangu local. Trátase d'un premiu d'ámbitu internacional (España y América Llatina), que tien por oxetivu reconocer, estimular y esparder, el llabor de les entidaes, públiques y privaes, y profesionales de la comunidá hispana que trabayen en pro de l'Accesibilidá Web y que contribúin asina, a que cualesquier persona, con independencia de les sos llimitaciones físiques o síquiques, puea beneficiase de les ventayes qu' ufierta internet.

PREMIU NACIONAL T-INCLUYE A LA WEB PÚBLICA MÁS INCLUSIVA. Premiu llográu na II convocatoria nacional del premiu T-incluye 2009, a les páxines web más inclusive; con esti premiu reconócense les meyores práctiques d'usu de conteníos non sexistes na web. La web municipal de Carreño, www.ayto-carreno.es, competía como finalista coles webs del Serviciu d'Igualdá de la Diputación de Málaga, del Serviciu d'Información Xuvenil del Aytu de Donostia, la web del Institutu Asturianu Adolfo Posada, IAAP y la del Institutu Navarru d'Igualdá. Estos premios nacionales T-incluye 2009, son una actuación del proyectu e-Inclusión Colectivos, que tán xestionaos pola Fundación CTIC y cuenten cola financiación del Gobiernu del Principáu d'Asturies, nel marcu del programa e-Asturias, y cola collaboración del Institutu Asturianu de la Muyer y la participación del Conceyu de Xixón. Cuatro fueron les webs ganadores (una per categoría). El Conceyu de Carreño ganó na categoría Web Pública. La entrega de premios tuvo llugar nel marcu del foru Internet Meeting Point.
Internet Meeting Point.

Internet Meeting Point.

2010

Premiu al Belén Tecnológico diseñáu en Carreño con material tecnolóxico en desusu y ganador nel marcu del Concursu de Belenes ENALBA..

2011

Premiu nacional, por votación popular, nel concursu nacional Mayores con Iniciativa. Nel marcu del III Concursu Nacional Mayores con Iniciativa, l'Asociación Comunidá de Redes de Telecentros y la Fundación Fundetec reconocieron l'esfuerzu del Conceyu de Carreño nel desarrollu de la iniciativa WII Fénix pa fomentar la inclusión de les persones mayores na sociedá de la información. El nuestru proyectu foi la iniciativa más votada al traviés Internet y ganadora del premiu especial. L'oxetivu de WII Fénix ye aprovechar les posibilidaes de la consola Wii pa fomentar vezos saludables al traviés de la práctica de xuegos y exercicios específicos pa mayores y, coles mesmes, favorecer nellos el desarrollu d'aptitúes rellacionaes con les nueves tecnoloxíes d'una forma llúdica. Nella participaron 89 muyeres ente los 50 y los 89 años de la zona rural de Carreño.

2014

El Cdtl C@rreño Digit@l llogró'l premiu Impulso TIC d'ámbitu local na categoría d'otres  axencies territoriales na cuarta edición d'estos gallardones.  Los premios Impulso TIC, d'ámbitu autonómicu, son la ferramienta pa reconocer y recompensar el trabayu a persones, empreses y instituciones que rescamplen nel impulsu de la creación y bon usu de les nueves tecnoloxíes nos ámbitos industrial y social. El premiu concedíu polos Colexos Oficiales del Principáu d'Asturies d'Inxenieros n'Informática, COIIPA- y d'Inxenieros Técnicos n'Informática, CITIPA- supón la reconocencia al proyectu Dixital Recovering Pita Pinta.  L'oxetivu del mesmu ye l'espardimientu del proyectu de caltenimientu y recuperación d'una raza autóctona (la pita pinta asturiana) al traviés de les tecnoloxíes de la información.