De siguío amuésense dellos programes pa mozos/es d'ámbitu européu:

• Erasmus+
• EuroScola

Erasmus+ 2014-2020

Yá ta en marcha'l nuevu programa européu d'ayudes a la mocedá, que va ufiertar oportunidaes d'estudiu, formación, esperiencia llaboral y voluntariáu nel estranxeru a más de 4 millones de persones ente'l 2014 y 2020. Erasmus+ acuta los antiguos programes de la UE en materia d'educación, formación, mocedá y deporte, incluyíu'l programa de deprendimientu permanente (Erasmus, Leonardo da Vinci, Comenius, Grundtvig), Mocedá n'Acción y cinco programes internacionales de cooperación (Erasmus Mundus, Tempus, Alfa, Edulink y el programa de cooperación colos países industrializaos).

El programa ta destináu a mozos/es ente 13-30 años y estructúrase en tres llinies d'actuación denominaes Acciones clave:

• Acción clave 1, movilidá de les persones.
• Acción clave 2, cooperación pa l'anovación y bones práctiques.
• Acción clave 3, sofitu a la reforma de les polítiques.

Nel campu de la mocedá, Erasmus+ ufierta les oportunidaes siguientes dientro de cada acción clave:

Acción clave 1: movilidá de les persones. Esti apartáu de movilidá inclúi oportunidaes de participación en proyectos d'intercambios xuveniles y proyectos del Serviciu Voluntariu Européu. Amás inclúyese la posibilidá de tomar parte en proyectos de movilidá de trabayadores nel ámbitu de la mocedá

Acción clave 2: cooperación pa l'anovación y bones práctiques. Nel ámbitu de la mocedá esta acción clave entiende les asociaciones estratéxiques nel ámbitu de la mocedá pa desenvolver iniciatives xuveniles y proyectos de ciudadanía activa n'intercambiu d'esperiencies y el refuerzu de les capacidaes nel ámbitu de la mocedá con proyectos que fomenten el deprendimientu en rede y ente iguales..

Acción clave 3: sofitu a la reforma de les polítiques. Van apoyase proyectos y actividaes rellacionaes col contactu ente mozos/es y responsables de tomar  decisiones dientro, por exemplu, del marcu del diálogu estructuráu o'l Foru Européu de la Mocedá.

En definitiva, Erasmus+ ye'l programa de referencia d'ayudes a la mocedá de la Unión Europea, pensáu pa desarrollar oportunidaes nueves de formación y deprendimientu non formal, siempres col oxetivu final de la meyora de la empleabilidá de les y los mozos europeos.

Pa saber más sobre'l programa Erasmus+, accede a la páxina de l'Axencia Nacional del Programa.

Si t'interesa participar en dalguna d'estes acciones vamos informate na Oficina d'Información Xuvenil.

Baxar Folletu informativu

EuroScola 2016: Concursu n'Internet pa la mocedá

XIX edición del concursu Euroscola destináu a la mocedá ente 15 y 18 años..

La oficina del Parlamentu Européu n'España, en collaboración cola representación de la Comisión Europea n'España, convoquen la XII edición del concursu Euroscola. L'oxetivu del concursu ye informar a la xente nuevo sobre'l procesu d'integración europea y aguiyar la so participación ciudadana na construcción de la UE. Los/les ganadores del concursu van viaxar a Estrasburgo pa participar con otros mozos europeos nel programa Euroscola.

El concursu va desarrollase al traviés de la web: http://www.euro-scola.com

El tema central d'esta edición va ser 30 Años d'España na Unión Europea (1986-2016) desarrolláu nun blogue.
Inscripción

La inscripción al concursu va formalizase directamente al traviés de la páxina web http://www.euro-scola.com. Puen participar tolos centros escolares establecíos nel territoriu español, hasta'l 6 d'abril del 2016.

Pa participar ye necesario apuntase n'equipos formaos por 10 alumnos/es (ente 15 y 18 años) y un profesor responsable que va ser el líder.

Puen apuntase dellos equipos per centru escolar, pero namás un equipu per centru va poder optar al premiu final, en base a la mayor puntuación acumulada.

Ganadores y premios

Per cada comunidá autónoma va haber un/a finalista. Los 10 equipos meyor clasificaos d'ente tolos/es finalistes van ser los/les ganadores. Caún/a de los/les ganadores tendrá de ser d'una comunidá autónoma distinta.

Con cuenta de qu'en cada edición d'Euroscola tengan la oportunidá de conocer el Parlamentu Européu nuevos centros escolares, namás van poder optar al premiu final aquellos centros que nun ganaren n'ediciones anteriores. Sicasí, estos centros puen optar a los premios que conceda cada comunidá autónoma, según éstes determinen.

Los centros ganadores van llograr como premiu la participación nel programa Euroscola del Parlamentu Européu n'Estrasburgo y una ayuda económica pa sufragar parte de los gastos del viaxe. Esta ayuda va establecese según la distancia ente la ciudá onde tea allugáu'l centru y la ciudá d'Estrasburgo.

Cada equipu, amás de los sos integrantes, pue convidar a 20 alumnos/es y a 2 profesores más del so centru pa participar nel programa..
El Parlamentu Européu acútase'l derechu d'anular la participación nel programa Euroscola en casu de fuerza mayor.

Información y contactu

Tola información sobre esti concursu ta disponible na páxina www.euro-scola.com