De siguío vamos desarrollar los apartaos siguientes:

• Cómo constituyir una asociación xuvenil
• Subvenciones a asociaciones xuveniles del Instituto Asturiano de la Mocedá

Como constituyir una asociación xuvenil

Si sois tres o más mozos/es tenéis de tener en cuenta que cualesquier asociación que quiera funcionar llegalmente hai de dar los pasos siguientes:

• Presentar nel Rexistru d'Asociaciones la documentación siguiente:
  • SOLICITÚ que tendrá de realizase, siquier, por unu/a de los/les promotores. Baxar Modelo Solicitú
  • ACTA CONSTITUCIÓN, por duplicáu y con firmes orixinales de tolos/es socios/es promotores nos dos exemplares. Tendrá d¿acompañase de copia del DNI, pasaporte o autorizar la consulta de dichos datos a l'Alministración del Principáu d'Asturies. Si dalgún/a promotor/a ye estranxeru/a tendrá d'apurrir la documentación acreditativa de que cuenta cola autorización d'estancia o residencia n'España (a valir) o autorizar la consulta de dichos datos. Los/les promotores/es menores non emancipaos/es mayores de catorce años, documentu acreditativu del consentimientu de la persona que tenga de suplir la so capacidá.  Baxar Modelo Acta Constitución
  • ESTATUTOS, que se van presentar por duplicao exemplar, con firmes orixinales nos dos exemplares y en toles sos páxines de secretariu/a y el presidente/a, tendrán de contener tolos estremos del artículu 7.1 de la Llei Orgánica 1/2002, del 22 de marzu, reguladora del Derechu d'Asociación. Baxar Modelo Estatutos
  • TASES: van facese efectives nel modelu 046-A1, axuntando l'exemplar pa l'Alministración. La tasa pal añu 2015 ye de 42,12 euros. Declarante/suxetu pasivu: datos de persona física, dao que l'asociación entá nun esiste. Descripción conceptu: Inscripción de constitución d'asociación.

    Ónde: nel Rexistru Xeneral de l'Alministración del Principáu d'Asturies. EASMU (Edificiu Alministrativu de Servicios Múltiples) c/Coronel Aranda, 2 pisu plaza. 33005 Uviéu.

Si quies apuntar de forma voluntaria l'asociación nel Rexistru d'Entidaes Xuveniles del Principáu, hai de presentar nel Institutu Asturianu de la Mocedá: 

• Copia del Acta de Constitución y de los Estatutos, visaos
• Rellación de promotores de l'asociación na que figure'l DNI de los/es mesmos/es y la so casa particular.
• Instancia de solicitú nel Rexistru d'Entidaes Xuveniles del Principáu.

Subvenciones a asociaciones xuveniles del Institutu Asturiano de la Mocedá

Descripción: Llograr ayudes económiques pa realizar actividaes, servicios a la mocedá y funcionamientu internu; contratar xente menor de 30 años pa que faigan xeres n'asociaciones y entidaes xuveniles.

¿Quién pue solicitalo? Tol que cumpla los requisitos siguientes:

• Ser asociaciones o entidaes xuveniles, secciones xuveniles de les demás asociaciones (siempre que tengan reconocíos estatutariamente autonomía funcional, organización y gobiernu propiu pa los asuntos específicamente xuveniles) y aquelles entidaes de les que'l so fin principal sía emprestar servicios a la mocedá nel ámbitu específicu de les actividaes xuveniles, ensin ánimu d'arriquecimientu y non específicamente deportives.
• Tar allugaes y desenvolver les sos actividaes n'Asturies.
• Tar inscrites nel Rexistru Voluntariu d'Entidaes Xuveniles del Principáu d'Asturies (REJPA) 

Documentación que precises:

• Solicitú en modelu normalizáu.
• Ficha resume de les actividaes realizaes pola asociación o entidá xuvenil mientres l'añu 2011.
• Ficha esplicativa del proyectu na que se faciliten tolos datos necesarios pa la valoración técnica del proyectu.
• Ficha resume del proyectu.
• Declaración escrita, sobre la solicitú o llogru d'ayudes procedentes d'otros organismos col mesmu fin y indicando la cantidá y proyectu pal que se solicitó o concedió. Si nun se solicitó nenguna ayuda pal mesmu fin, declaración nesi sentíu.
• Ficha d'acreedores.
• Fotocopia compulsada del CIF de l'asociación o entidá xuvenil.
• Composición de la Xunta Directiva y fecha d'elección de la mesma, na que conste'l NIF y la fecha de nacimientu de caún de los sos miembros, con certificación emitida pol secretariu de la Xunta.
• Acreditación de propiedá o d'usu de local pa programes de contratación de mozos/es menores de 30 años y de realización d'obres y adquisición d'equipamientu.
• Pa contratación de xente menor de 30 años, amás: certificáu de la demanda d'empléu de la persona contratada; fotocopia compulsada del NIF de la persona contratada; copia del acta del procesu de selección fechu que va axuntar los requisitos d'igualdá, méritu, capacidá y publicidá; fotocopia del contratu de trabayu, visáu pola oficina d'empléu correspondiente; fotocopia del documentu d'alta na Seguridá Social de la persona contratada. Esta documentación va presentase nel plazu de 10 díes hábiles dende la firma del contratu, a nun ser que la fecha d'esti sía anterior a la fecha de publicación de la convocatoria respectiva y nesi casu, va ser presentada cola solicitú.presentará en el plazo de 10 días hábiles desde la firma del contrato, salvo que la fecha de éste sea anterior a la fecha de publicación de la respectiva convocatoria, en cuyo caso será presentada con la solicitud.

Otros datos d'interés: PROYECTOS NON SUBVENCIONABLES:

• Proyectos de gastu corriente presentaos por asociaciones y entidaes xuveniles que nel mesmu exerciciu presupuestariu reciban subvenciones o ayudes con cargu al presupuestu del Institutu Asturianu de la Mocedá.
• Proyectos presentaos por asociaciones y entidaes xuveniles que na mesma convocatoria solicitaren les federaciones o agrupaciones de federaciones nes que tean integraes.
• Proyectos d'actividaes de calter festivu o de competición.
• Proyectos presentaos por asociaciones o entidaes xuveniles que nun acrediten l'usu del espaciu local en que, según cada casu, quieran facer les obres; recueyan el moblame oxetu d'adquisición, o'l personal contratao desempeñe les sos funciones..

Descargar Convocatoria subvenciones asociaciones xuveniles 2014