Pensiones non contributives de xubilación

Son prestaciones económiques de la Seguridá Social tramitaes al traviés de la Conseyería de Bienestar Social nes que se reconocen a aquelles persones que nun tengan recursos abondos pal so mantenimientu nos términos llegalmente establecíos, inda cuando nun cotizaren nunca o'l tiempu de cotización nun fuere lo bastante p'algamar les prestaciones del nivel contributivu. Con calter xeneral tienen que cumplir los requisitos siguientes:

• Tener cumplíos 65 años.
• Vivir llegalmente en territoriu nacional polo menos 10 años ente la edá  de 16 años y l'edá de devengo de la pensión, de los que 2 tendrán de ser consecutivos y anteriores darréu a la solicitú de la pensión.
• Nun tener la so unidá familiar rentes o ingresos abondos.

Más información: www.asturias.es

Ayudes individuales pa la tercer edá

Información y tramitación d'ayudes individuales pa la tercer edá convocaes añalmente pola Conseyería de Bienestar Social.

Más información: www.asturias.es

Agospiu alternativu

Intenta incorporar a les persones mayores a otres formes alternatives de convivencia familiar y nos supuestos nos qu'esta nun sía vidable por nun esistir la unidá familiar o porque, entá esistiendo, presente una situación de merma psicolóxica, afectiva y/o socio-económica que torgue'l so desarrollu y bienestar, buscar el recursu más afayadizu

• Acoyimientos familiares: la persona mayor pue ser acoyida por una familia cola que nun tien parentescu y que-y daría les atenciones necesaries dientro d'un ambiente familiar afayadizu a les sos necesidaes.
• Tramitación de los recursos residenciales del Principáu d'Asturies: son xestionaos pol organismu autónomu del Principáu d'Asturies Establecimientos Residenciales d'Asturies (ERA) y puen ser:
  • Apartamentos residenciales: son un conxuntu de viviendes allegaes pa una o dos persones con unes prestaciones colectives como conserxería, seguridá, llimpieza y caltenimientu de zones comunes. Sedría'l recursu aparente p'aquelles persones mayores que puen vivir de forma autónoma porque caltienen les sos capacidaes físiques y síquiques pero nun tienen un sitiu axeitáu onde vivir.
  • Viviendes tutelaes: pretenden cubrir les necesidaes d'aquelles persones mayores que, anque caltienen la so autonomía, presenten problemes de soledá, falta de vivienda o aislamientu físicu. Son viviendes compartíes por delles persones. Esisten sobre manera en zones rurales y el so oxetivu ye caltener la calidá de vida de la persona nel so ambiente pa retrasar o evitar l'ingresu nuna residencia.
  • Residencies  pa persones mayores: les residencies pa persones mayores son agospios usaos por aquelles persones que precisen atenciones que nun-yos puen ofrecer nel entornu nel que viven. L'agospiu pue ser permanente o per un periodu determináu de tiempu. Col serviciu d'estancies temporales o de respiru, respuéndese a les necesidaes d'atención que puen presentar les persones mayores dependientes n'ausencia del cuidador o la cuidadora principal.
• Información sobre residencies de tercer edá privaes.
• Ayudes económiques municipales pa encarar el pagu de places en residencies privaes cuando los ingresos de la unidá familiar nun sían abondos. Traen la obligación de solicitar plaza nun establecimientu públicu y concédense nel tiempu que tarda en resolvese esi espediente.