Información y derivación a centros asesores de la muyer

Los Centros Asesores de la Muyer ofrecen información y asesoramientu xurídicu, incluida l'asistencia pa la tramitación de la orde de protección, y acompañamientu na comparecencia. Coles mesmes, puen exercer l'acusación particular en representación de les muyeres víctimes de malos tratos. Les muyeres de Carreño son atendíes nel Centru Asesor de la Muyer, que ta asitiáu en:

Señes:

c/ Canga Argüelles (parque de la Fábrica del Gas) 16 - 18.

Códigu postal:

33202 (Xixón/Gijón).

Teléfonu:

985 18 16 29

Teleasistencia móvil pa víctimes de violencia de xéneru

Esti serviciu municipal, per aciu d'un conveniu cola FEMP y l'IMSERSO, ufierta a les víctimes que cuenten con una orde de protección y/o alloñamientu una atención inmediata y a distancia, asegurando una respuesta rápida a les eventualidaes que pudieren surdir les 24 hores del día, los 365 díes del añu y sía como fuere'l llugar onde s'atope. Utiliza tecnoloxíes de comunicación de telefonía móvil y de telelocalización y dexa que les muyeres en riesgu de sufrir violencia de xéneru, puean entrar en contactu, ante situaciones d'emerxencia, con un centru atendíu por personal específicamente preparao pa dar una respuesta afayadiza a la crisis planteada, bien por sigo mesmos o movilizando otros recursos humanos y materiales, propios de la usuaria o esistentes na comunidá.

La solicitú faila nel centru de Servicios Sociales la mesma víctima, apurriendo copia de la orde de protección y/o alloñamientu, cursándose de manera inmediata l'alta a la central d'atención.