Esta prestación tien como oxetivu prevenir situaciones de marxinación social y nel casu de qu'esta fuere yá manifiesta, llograr l'inxertamientu familiar y social.

Salariu social básicu

El 28 d'ochobre del 2005, el Gobiernu del Principáu d'Asturies, aprobó la Llei del Salariu Social Básicu que tien por oxetu, desarrollar el derechu fundamental de la persona a los recursos y prestaciones necesarios pa vivir de forma acordies cola dignidá humana. El salariu social básicu ye una prestación económica periódica mensual, que garantiza a aquelles unidaes de convivencia que cumplan los requisitos que plantea la Llei, unos ingresos mínimos que cambien en función del númberu de miembros que componen la unidá familiar.

El salariu social tramítase namás nos centros de Servicios Sociales, correspondiéndo-y la resolución a la Conseyería de Bienestar Social. En siendo concedíu tien efectos económicos retroactivos dende'l día 1 del mes siguiente a la fecha de solicitú y va enanchase mientres sigan les circunstancies que dieron orixe a la so concesión. Ye preciso alcordar un Plan Personalizáu d'Inxertamientu nel que se van recoyer los compromisos adquiríos pola persona beneficiaria nes árees de la so vida que precisen cambiar coles mires de consiguir una plena integración social. Esti plan tien de ser robláu pola persona beneficiaria, los miembros de la so unidá familiar implicaos y el/la trabayador/a social y/o educador/a social responsable de la so intervención.

Más información: www.asturias.es