Un espaciu abiertu a toles muyeres, nel que pues compartir les tos idees, organizar actividaes d'interés pa otres muyeres, informate, asesorate, investigar...

Datos pa contactar

Funciones

Xuntes, información, coordinación, diseñu y ellaboración de programes pa muyeres tanto a nivel individual como n'andecha con asociaciones, grupos y colectivos de muyeres, con ámbitu d'actuación en Carreño pa beneficiar a toles muyeres del conceyu.

Asistencia

Nel horariu d'atención conseñáu ensin pidir cita previa.

Servicios

• Centru pa xuntes qu'ofrez un espaciu común pal diálogu, la comunicación y la solidaridá. Centru d'alcuentru y alderique ente les muyeres de Carreño.
• Información sobre recursos qu'esisten na Casa  Alcuentros y n'otros servicios a los que se pue acudir (servicios sociales, asociaciones de muyeres, formación y empléu...).
• Coordinación y collaboración con asociaciones, grupos y colectivos de muyeres na organización d'actividaes, de grupos de trabayu..., sobre temes qu'interesen y esmolecen a les muyeres.
• Diseñu y ellaboración de programes y actividaes sobre temes d'interés pa les muyeres, como son educación, salú, cultura, deporte, violencia de xéneru...
• Conferencies, charres-coloquiu y alderiques sobre temes d'interés pa les asociaciones y colectivos de muyeres, asina como los de mayor sensibilidá social.
• Programa de promoción y dinamización del asociacionismu naquélles estayes nes que nun esisten grupos de muyeres organizaes y de meyora de la xestión de les esistentes a traviés del asesoramientu y apoyu técnicu.