• Datos de contactu

Fines educativos

• Atender la diversidá d'intereses, motivaciones y capacidaes de los/es escolinos/es dende una formación personalizada pa superar les esixencies del mundu d'anguaño.

• Facilitar la collaboración de los pas y mas p'algamar un mayor llogru de los oxetivos educativos de les distintes estayes y niveles.

• Dar puxu a los hábitos de comportamientu cívicu: respetu, tolerancia, participación, cooperación, solidaridá, pacifismu, etc...

• Orientar al escolináu nos momentos críticos de la so escolaridá y nos aspectos formativos de la educación.

• Fomentar hábitos d'estudiu cooperativu y de trabayu personal, apostando por una educación non competitiva y que fomente la solidaridá y el respetu a les diferencies intelectuales, físiques o psíquiques, ensin perxuiciu d'un rendimientu académicu meyor.

• Siguir cola integración del centru na rodiada, aumentando la nuestra presencia nel ámbitu local sobre manera cola apertura del mesmu a la comunidá.

• Favorecer y puxar la participación del centru en programes d'anovación.

• Algamar la integración curricular de les NNTT nes distintes árees de la Educación Infantil y Primaria. Xeneralizar l'usu d'estes pal algame d'oxetivos y competencies básiques.

• Fomentar la convivencia y evitar distinciones ente races, sexos y clases sociales, orientando al escolináu nel refugu de conductes discriminatories.

• Consiguir la integración dafechu del alumnáu inmigrante, respetando les diferentes cultures asina como del restu d'alumnáu más desfavorecío.

• Desarrollar l'espíritu críticu, la capacidá de discusión y diálogu, l'afán d'investigación y una educación que tenga presentes los distintos ritmos d'aprendimientu y de los distintos graos de desarrollu del escolináu.

• Collaborar na planificación y ellaboración d'actividaes n'equipu, articulando los oxetivos y intereses propios colos de los demás miembros del grupu y respetando tolos puntos de vista.

• Llograr que la mediateca escolar se convierta nel centru lliterariu, documental y investigación del colexu. Potenciar el cuidáu del mediu ambiente trabayando actitúes que contribuyan activamente a la conservación del nuestru planeta.

• Integrar tolos proyectos del centru na vida diaria d'esti. Anguaño: Proyectu Esperimental Billingüe, Proyectu Mediuambiental de Reciclaxes y Proyectu de Nueves Tecnoloxíes.

• Fomentar la participación de tolos miembros de la comunidá escolar..

Programes nos que participamos

• Parroquies de Carreño: l'escolináu d'Educación Infantil fai visites a les diferentes parroquies del nuestru conceyu a lo llargo del cursu escolar.

• Apertura de centros a la comunidá: actividaes deportives y culturales fuera del horariu llectivu (radio escolar, güertu escolar, escueles deportives, grupu de monte, ...).

• Biblioteca del centru: renovación de la bibliografía de la nuestra biblioteca.

• Programa esperimental billingüe nel tercer ciclu (inglés).

• Tecnoloxíes de la información y la comunicación: el nuestru centru ta calificáu como centru modelu de nueves tecnoloxíes tres el conveniu firmáu pola Conseyería d'Educación del Principáu d'Asturies y la fundación Telefónica. Esto supón que cada aula de les nomaes dispón de pizarra dixital y ordenador, un requexu pa informática nes aules d'infantil, de 49 táblets PC pal so usu nes diferentes clases y portátiles pa los mayores.

Instalaciones del xuegu

• Dieciocho tutoríes, seis d'Educación Infantil y doce d'Educación Primaria.

• Aules de pedagoxía terapéutica y d'audición y llinguaxe.

• Mediateca dixebrada en cuatro zones: cuartu de llectores d'Educación Infantil, otra pa Educación Primaria, otra de proyecciones y una final d'investigación con medios informáticos.

• Un aula d'Iidioma estranxeru.

• Dos aules d'informática, una pa los más pequeños y la otra (aula modelu) pa les especialidaes y los más mayores.

• Aula de relixón.

• Aula de música

• Ximnasiu.