La escuela de primer ciclu d'Educación Infantil de Candás forma parte de la rede d'Escueles Infantiles del Principáu d'Asturies creaes dende un conveniu de collaboración ente la Conseyería d'Educación y los distintos Conceyos, nesti casu'l Conceyu de Carreño.

El documentu llegal básicu que regula'l so funcionamientu ye'l Plan d'Ordenación de les Escueles de Primer Ciclu d'Educación Infantil, que:

La escuela de primer ciclu d'Educación Infantil de Candás entamó'l so funcionamientu nel cursu 2004/2005. El so llabor respuende a un proyectu educativu, esto ye, que nun solo cuiden de les necesidaes básiques de los/es neños/es, sinón que los eduquen y d'ehí'l nome d'escuela y non guardería. Ello acarria una atención de contino non solo a les sos necesidaes primaries de seguridá, hixene y alimentación, sinón tamién un trabayu diariu p'algamar el so desarrollu dafechu: sicomotriz, intelectual, afectivu, social, desarrollando toles sos potencialidaes, atendiendo a la so individualidá y tando atentos d'atopar posibles carencies o deficiencies col envís d'iguales na midida de lo posible, y too ello nun ambiente nel que'l/la neñu/a s'alcuentre queríu/ida y respetáu/ada y se sienta feliz.

Tolos momentos que los/es neños/es pasen na escuela son educativos yá que persiguimos unos oxetivos de mano planificaos, alcordaos y acordies col so momentu evolutivu, provocando situaciones qu'ayuden a evolucionar, a deprender, a ser cada vez más autónomos. Sía nos momentos d'hixene asina como de trabayu escolar, nel comedor, siestes, xuegos nel patiu, etc.

Trabayen con pequeños proyectos d'intervención, aconceyándolos al rodiu un mesmu asuntu o centru d'interés qu'alique l'esporpolle de los/es neños/es ( por exemplu "cuidar coneyos") y toos aquellos aspectos del so desarrollu que pretendemos estimular y potenciar: motricidá grueso, motricidá fino, control d'esfínteres, hábitos d'hixene y d'autonomía, desarrollu del pensamientu, del llinguaxe, socialización, afectividá, empatía, etc.

Consideramos qu'en tolo que facemos dientro del centru educativu ye fundamental l'ayuda y collaboración de les families porque'l nuestru enfotu cimeru ye algamar el meyor desarrollu pal so fíu/a y nes condiciones más afayadices y prestoses.

La escuela de 0 a 3 años abre a les 7:30  y pieslla a les 16:30. Los/es neños/es que van nun puen tar nella más de 8 hores.

Ufierta tres tipos de xornaes:

• Xornada completa: (8 hores). Horariu a escoyer, como máximo 8 hores, ente les 7:30 y les l6:30. Inclúi almuerzu y comida.

• Media xornada: (4 hores), de les 9.30 la mañana a la 13.30  la tarde.

La escuela da los sos servicios per cursos escolares qu'entamen en setiembre y tienen un llargor d'once meses, pesllando nes vacaciones el mes d'agostu. El restu l'añu namás se suspenden les actividaes nes fiestes marcaes como nacionales, autonómiques o locales.

Los tres últimos díes de xunetu y los tres primeros de setiembre, los/es neños/es nun van dir pa que'l personal educativo faiga les sos xeres de programación, planificación del nuevu cursu, recapitulación, ellaboración de la memoria del anterior, asina como igua del material.