El Conceyu de Carreño remitió al BOPA l'anunciu tocante a l'aprobación provisional de los Estatutos del Conseyu Escolar Municipal. La so publicación ta prevista p'hacia'l 30 de xunu.

En rellación al espediente de la ellaboración de los Estatutos del Conseyu Escolar Municipal; el Conceyu Plenu, en sesión ordinaria celebrada'l día 31 de mayu,  adoptó l'alcuerdu que vien darréu:

Primero.- L'aprobación provisional de los Estatutos del Conseyu Escolar Municipal. Disposición derogatoria. Queden derogaos los Estatutos del Conseyu Escolar Municipal aprobaos pol Plenu en sesión del 28 de xunu del 1996.

Segundo.- N'aplicación de lo dispuesto nel artículu 49 de la Llei 7/85, de 2 d'abril, Reguladora de les Bases de Réxime Local, sométese a información pública y audiencia a los/es interesaos/es por plazu de trenta díes hábiles  - dende que se publique nel BOPA - pa que, si-yos abulta oportuno, puean presentar reclamaciones o suxerencies.

Tercero.- Nel mentáu plazu va poder esaminase l'espediente na Secretaría Municipal, asitiada na calle Santolaya n^u 1 y 3, de llunes a vienres y de 9 a 14 hores. Mesmamente pue baxase equí.

Si se presentaren reclamaciones, resolveránse pol Plenu con ocasión del tratamientu de l'aprobación definitiva. En casu de nun presentase, entenderánse aprobaos dafechu los Estatutos y publicaráse'l so testu íntegramente nel BOPA, con ofrecimientu de recursos.

Equí pues baxar l'anunciu de l'aprobación definitiva d'Estatutos del Conseyu Escolar Municipal.