Accesu y almisión - ayto-carreno
Accesu y almisión
Criterios
-
Esta escuela ta empobinada a los/es neños/es ente los 3 meses y los 3 años. La incorporación a la Escuela Infantil de los/es neños/es almitíos/es nun va poder facese con menos de 3 meses d'edá cumplíos.
-
Los/es neños/es que vaigan a ella han tener que tar empadronaos/es nel conceyu de Carreño.
-
La escuela va poder integrar neños y neñes con necesidaes educatives especiales, a razón d'unu per cada grupu o unidá.
- L'almisión de neños/es que vaigan per primer vez al centru, cuando nél nun hayan places enforma p'atender a toles solicitúes d'ingresu, va rexise por criterios que faciliten l'andecha de la vida llaboral y familiar, que-y dean puxu a la incorporación de les muyeres al mundu llaboral y que favorezan los procesos d'integración y atención temprana a los neños/es con necesidaes educatives especiales..
Plazu de solicitúes
La solicitú p'apuntase na escuela infantil faise nel mes de mayu. Un bandu del Conceyu de Carreño informa sobre'l momentu y la forma de facelo, asina como de la documentación a apurrir.
L'impresu de solicitú pue recoyese na escuela o na Casa Conceyu pa depués apurrilu nel rexistru de la Casa Conceyu.
Si les solicitúes perpasen el númberu de places ufiertaes, fáese una baremación d'alcuerdu los criterios yá definíos nel conveniu.
L'órganu de baremación y selección ye'l Conseyu Escolar de la escuela.
La escuela tien cinco unidaes:
-
1 unidá d'escolares ente 3 y 12 meses (Estrellitas de mar).
-
1 unidá d'escolares ente 12 y 24 meses (Pulpitos).
-
3 unidá d'escolares ente 24 y 36 meses (Delfines, bígaros, caballitos de mar).
El númberu d'escolares per unidá nun pue perpasar:
-
8 na unidá de 3 - 12 meses.
-
13 na unidá de 12 - 24 meses.
- 18 na unidá de 24 - 36 meses.
En cada unidá va poder integrase un neñu o neña con necesidaes educatives especiales, en casu talu, y en función de lo establecío nel artículu 13.3 del Real Decretu 1004/91, va reducise a ún el númberu máximu d'escolares per unidá
Cuando por razones xustificaes el/la neñu/a nun asista a escuela en más de mediu mes, namás se-yos va pidir esi mes el 50% de la cuantía mensual correspondiente. Si l'ausencia xustificada fuere superior al mes, nesi periodu namás deberá abonar el 20% de la tarifa en conceptu de reserva de plaza.
La posible variación de les circunstancies económiques o familiares de la persona usuaria en concediendo la bonificación deberá ser comunicada, tanto en casu suponga un aumentu na cuota, como una disminución na mesma.
Regulación de baxes
Sedrán causes de baxa nel centru:
-
El cumplimientu de la edá reglamentaria pa la permanencia nel centru (3 años). A estos efectos la fecha de baxa sedrá'l 31 de xunetu.
-
Nun asistir de contino y ensin xustificar, un mes o 30 díes interrumpíos nel trescursu de dos meses consecutivos.
- Incumplir de siguío la normativa específica del centru (incumplimientu d'horarios, esconder información qu'implique riesgu de contaxu, non xustificar faltes, ausencia de collaboración y contactu col personal educativo de la escuela, etc.)