1.- Sobre l'accesu:

Va poder entrar toa persona mayor o menor d'edá previa identificación. La identificación faise rellenando la correspondiente FICHA D'INSCRIPCIÓN y apurriendo una fotográfica al CDTL o na Aldea Dixital yá sía como turista o como usuariu/a. En dambos casos, turista o usuariu/a, tendrá de presentar el DNI al personal técnico, nel casu del CDTL, o al responsable vecinal que tea al tantu nesi momentu de l'aldea dixital.

De 9 a 16 hores, mientres el periodu llectivu, nun se va permitir l'accesu a los equipamientos telemáticos a menores de 18 años.

Los neños y neñes que nun tengan edá pa tener carné va dáse-yos un númberu como usuariu/a menor.

Les persones menores de 14 años nun van poder dase d'alta por sigo solos/es; d'otra miente van tener que facelo ante'l personal técnico o na asociación vecinal acompañaos/es del so padre, madre, o tutor/a. Tamién van tener qu'utilizar los equipos en compañía d'una persona adulta que se responsabilice del/de la menor y les páxines que visite.

2.- Sobre la convivencia:

Nun tas tu namás nel CDTL o na Aldea Dixital. Hai persones trabayando, asina que respeta a los y les demás y fala en tonu moderáu. Nun mos gusta llamate l'atención.

Nun ta permitío fumar, comer, nin consumir bebida nel CDTL o na aldea dixital.

Caltén la llimpieza de los centros. Usa les papeleres.

Apaga o pon en silenciu'l teléfonu móvil.

Ten una conducta respetuosa tanto pa coles persones responsables de los centros, como pal restu d'usuarios y usuaries

3.- Sobre los usos:

Esisten prioridaes d'usu pa los equipos. Los usos prioritarios son:

• Proyectos de teletrabayu y formación
• Busca d'empléu / orientación profesional
• Realización de trabayos y actividaes académiques
• Autoaprendizaxe

Esisten dos tipos d'usos: trabayu y ociu. Pa los usos por trabayu nun va esistir llende de tiempu nel usu, sacantes esistiere muncha demanda d'usu tamién por trabayu. Nel casu de qu'hubiere más persones esperando pal mesmu usu (trabayu) va axustase l'usu del ordenador a dos hores máximu.

Establezse un sistema de cita previa pa usos profesionales (trabayu). Podrá acutase per teléfonu: 985872406, est. 23, per corréu electrónicu: cdtl@ayto-carreno.es  y/o per escrito, un equipu, los periféricos y accesorios necesarios (escáner, cascos, etc.). Si se detectare un usu distintu al alcordáu na reserva va suponer la perda de la prioridá, y mesmamente l'anulación inmediata de la concesión del equipu.

Los usos rellacionaos con ociu queden llendaos a la esistencia d'equipos llibres y el tiempu pa esta actividá va ser d'una hora nel casu de menores y de 1:30 h. pa persones adultes, mientres nun tean usuarios/es esperando pa utilizar los equipos.

A les persones menores d'edá nun se-yos va dexar entrar más que dos veces al día.

4.- Sobre les impresiones

Si quies utilizar la impresora vas precisar que te dean permisos, asina que recurre  a les persones encargaes.

El costu de cada páxina impresa va ser de 0,15 EUR. Si vas facer copies más frecuentemente, pues mercar bonos de 1,50 EUR (13 páxines), 3 EUR (26 páxines).

Podrá imprimise en blanco y negro y a color; estes últimes van tar acutaes pa usu profesional.

Les impresiones y les fotocopies a color valen el triple.

Nun habrá llímite nel númberu de páxines a imprimir en blanco y negro, siempre qu'esista disponibilidá material pa poder imprimilo y que nun se perxudique al usu d'otros usuarios/es.

Nun tán permitíes  les multicopies (nin en color nin en blanco y negro). Namás van poder imprimise tres copies de la mesma fueya o trabayu.

Les impresiones a doble cara van cobrase'l doble de lo normal, esto ye, una vez per cada cara.

Si quies imprimir nun papel concreto, vas tener qu'apurrilo (papel o cartulina) pero'l preciu d'impresión va ser el mesmu. Nel CDTL o nes Aldees Dixitales va dase a los usuarios y usuaries un tipu de papel estándar, nun teniendo más tipoloxíes de papel pa les impresiones.

5.- Sobre l'usu de los ordenadores:

Ta dafechamente prohibío acceder a páxines web con conteníos pornográficos o terroristes. Esto va suponer, pa la persona que lo incumpla, la retirada de carné de sociu/a y la consiguiente espulsión definitiva del CDTL o l'Aldea Dixital.

Ta dafechamente prohibío baxar software. Cuando se necesite un programa o aplicación tendrá de solicitase'l preste a les persones responsables del CDTL o l'aldea dixital. L'incumplimientu d'esta norma va suponer la retirada del carné y la consecuente espulsión del centru de forma definitiva.

Ta prohibida la instalación de cualesquier programa. En casu de necesitar usar delles aplicaciones informátiques distintes a les que tán instalaes, habrá de solicitase primero al responsable.

L'usu indebíu de los equipos y los cambios na configuración van suponer la espulsión darréu del CDTL o l'aldea dixital.

6.- Sobre l'usu de recursos materiales adicionales del CDTL

Esisten a disposición de les asociaciones allugaes nel conceyu, lo mesmo que de los distintos departamentos municipales, unos recursos materiales, tales como: cañón proyector, ordenador portátil, pantalla de proyección, que tienen de ser solicitaos rellenando l'impresu de SOLICITÚ DE RESERVA, que pues recoyer nel CDTL o baxar de la web municipal. Tien de solicitase con polo menos 15 díes d'antelación. Les solicitúes van atendese por rigurosu orde d'entrega de les mesmes nel CDTL, con cuenta de que dende esti serviciu municipal puean facese unes previsiones d'usu.

Tamién esiste la posibilidá de qu'entidaes asociatives, centros formativos, empresarios/es puean acutar una sala pa formación o dalguna de les aldees dixitales, mientres nun esista otru usu municipal programáu primero. Pa ello, van tener de rellenar la ficha correspondiente de SOLICITÚ DE RESERVA, con siquier 15 díes d'antelación, atendiéndose namás les solicitúes por orde d'entrega de les mesmes nel CDTL. Si se precisare dalgún software o equipamientu específicu, non habitual nel CDTL o l'aldea dixital, va tener de ser apurríu primero pola entidá solicitante, con siquier 7 díes d'antelación pa la so instalación nos equipos.

La entrega nel CDTL de la SOLICITÚ DE RESERVA, tanto pa materiales como pa espacios formativos, nun implica automáticamente la reserva del equipamientu o sala, sinón qu'atendiendo al orde de solicitú van atendese les reserves, hasta escosar la disponibilidá de los materiales o los espacios.

La entrega del material per parte del CDTL va facese nel horariu d'apertura del mesmu, con una antelación máxima de 24 hores antes del eventu, apurriéndose funcional dafechu.

El montaxe de dichu material nel llugar del eventu va ser per parte de la organización del mesmu, teniendo de contar, la mesma organización solicitante, los allargadores de corriente necesarios.

El material emprestao per parte del CDTL tien un usu llimitáu nel tiempu, namás pa los actos que se solicitare, teniendo de ser devueltu nel plazu máximu de 24 depués de terminar cola actividá. Si coincidiere con un día festivu, va ser devueltu a primer hora del siguiente día hábil.

Nel momentu d'entregar el material emprestao, va revisase, y si esistiere dalgún estropiciu, la persona o entidá que lo solicitare, tendría d'abonar los costos derivaos del arreglu del material. Si nun fuere posible reparalo, tendría de reponer otru material de característiques asemeyaes a lo estropiao.

7.- L'incumplimientu

Saltase cualesquier d'estes normes pue acarriar la espulsión momentánea o permanente del CDTL o de l'aldea dixital. Nel momentu que se produza l'incumplimientu, la persona responsable que lo presenciare va informar per escrito de lo asocedío, dando cuenta al responsable técnicu y al políticu. Va dase un plazu de tres díes, tres la comunicación de la incidencia, al usuariu/a pa qu'alegue lo que-y abulte oportuno. Trescurríu esti plazu una Comisión Informativa, na que va tar presente'l responsable del CDTL o de l'aldea dixital, va determinar l'alcance de la espulsión.

8.- Indumentaria:

 Por motivos de seguridá nun se pue entrar a la sala con ropa de playa, esto ye, en traxe bañu, chancles, etc. Mesmamente, acútase'l derechu d'accesu a les sales a toes aquelles persones que nun guarden una hixene personal en condiciones.

9.- El Conceyu

Acútase'l derechu de modificar les normes esistentes en función de les necesidaes del CDTL o de les aldees dixitales.