Una aldea dixital o telecentru rural ye aquel espaciu físicu, dotáu de l'abonda estructura telemática como pa poder facer distintes actividaes rellacionaes coles nueves tecnoloxíes.

Funciones

• Elementu de promoción de la sociedá de la información y el conocimientu: accesu llibre y de baldre a internet, formación: talleres temáticos y alfabetización dixital.
• Llugar d'alcuentru dixital de la vecindá y puntu d'enllaz coles Alministraciones (alministración on line o telealministración).
• Captación y promoción llaboral: hacia l'empléu y les microempreses: un camín nuevu pal desarrollu local.

¿Cómo contar con una aldea dixital na so parroquia?

Pasos a siguir pa entamar una aldea dixital o telecentru rural.

1. Pidir per escrito dende l'asociación vecinal de la parroquia solicitando al Conceyu la instalación del equipamientu telemáticu.
2. En teniendo formuláu y aprobáu'l pidimientu vecinal, el Conceyu va proceder a les xeres d'acondicionamientu del local, de la instalación eléctrica, según la realización de la instalación de rede. Adquisición del moblame y del equipamientu informáticu.
3. Firma del conveniu pa la posterior puesta en marcha del equipamientu.

El Conceyu va costiar los gastos derivaos de la merca d'equipamientu, material didáctico y la conexón a internet, pa facilitar, de baldre, a la vecindá.

Mesmamente, el Conceyu asume los arreglos de conservación y caltenimientu, los gastos de consumos de comunicaciones, seguru y alarma que xenere l'equipamientu dixital.

L'asociación vecinal va comprometese cola xestión de l'aldea dixital.

¿Qué implica la xestión?

La entidá vecinal va xestionar l'aldea dixital o telecentru rural, esto implica que se compromete a:

• Designar un grupu de vecinos y vecines que voluntariamente van encargase de l'atención de la instalación cola asistencia técnica del Plan C@rreño Digit@l.
• Garantizar l'apertura de les instalaciones siquier dos díes a la selmana, computando un mínimu de 8 hores selmanales.
• Llevar un cómputu de persones usuaries y estancies na aldea dixital, estableciéndose un mínimu de 40 usos selmanales. Siguiendo'l modelu de xestión y documentación del Centru de Dinamización Tecnolóxica Local "C@rreño Digit@l" asitiáu en Candás.

L'asociación vecinal y les persones que s'encarguen de l'atención de l'aldea dixital van contar col sofitu del equipu técnicu de C@rreño Digit@l que tien el so llar nel telecentru de Candás. Van tar en contactu permanente vía messenger, skype o al traviés del corréu electrónicu.

L'aldea dixital va poder ser utilizada pol alumnáu de les escueles rurales, n'horariu de mañana y según criteriu del personal docente encargáu, siendo de la so responsabilidá'l cumplimientu de les normes.

La tomar de posesión de los locales y instalaciones facese per aciu la entrega de los mesmos a l'asociación vecinal, de la que¿l so presidente o presidenta va roblar l'acta de recepción, na que se va detallar l'inventariu valoráu del moblame y los equipos informáticos esistentes na aldea dixital.

L'asociación vecinal va favorecer l'usu de les instalaciones telemátiques a la vecindá de la zona onde tean allugaes, sían o non persones socies, pudiendo promovese la realización d'alcuerdos o convenios con otres asociaciones pal usu de les instalaciones. L'alcuerdu va implicar que les actividaes que se faigan sían complementaries, s'informe con tiempu enforma y nun estorben na actividá programada pola entidá vecinal.

Horarios

Aldees dixitales en Carreño y horarios d'apertura pa navegación:

• Albandi:
  • Miércoles y xueves de 17:00 a 19:00 hores.
  • Vienres de 18:00 a 21:00 hores.
  • Sábados de 16:00 a 21:00 hores.
• Carrió: llunes, martes y viernes de 18:00 a 20:00 hores.
• Quimarán/Guimarán- El Valle: llunes, miércoles y vienres de 18:00 a 20:00 hores.
• Llorgozana :llunes, miércoles y vienres de 18:00 a 20:00 hores.
• Perlora: llunes, miércoles y vienres de 17:00 a 19:00.
• Prevera:
  • Martes y xueves de 17:00 a 19:00 hores.
  • Vienres de 19:00 a 21:00 hores.
• El Pieloro/Piedeloro: llunes, martes, xueves y vienres de 18:00 a 20:00 hores.
• Tamón.
  • Miércoles y vienres de 16:00 a 20:00 hores.
  • Sábados de 16:00 a 18:00 hores.