La Oficina d'Información Turística de Carreño ta allugada na villa marinera, en plenu centru de Candás, concretamente nel pisu baxu del antiguu edificiu de la Casa Conceyu de Carreño.

La nuestra Oficina d'Información Turística (OIT) ta certificada con "Calidá con una sonrisa", un plan diseñáu pola Dirección Xeneral de Turismu del Principáu d'Asturies pa facer d'ella un destín d'escelencia turística y col qu'entamemos a trabayar en Carreño pa finales del añu 2005.

En dichu plan recuéyense aspectos rellacionaos non solo col serviciu ufiertáu sinón tamién coles instalaciones, equipamientos, medios técnicos, capacitación profesional del nuestru personal'

Anguaño, entá tamos trabayando pa meyorar el nuestru serviciu y asina tamos somorguiaos nel procedimientu de calidá que mos permita algamar la certificación "Compromisu de Calidá Turística" del Sistema Integral de Calidá Turística en Destín (SITEC) que constitúi ún de los proyectos más cobiciosos dientro del Plan Integral de Calidá Turística del Turismu Español (PICTE). Esti proyectu respuende a la necesidá de dotar a los destinos turísticos de mecanismos que permitan integrar y empobinar les actuaciones entamaes con un enfotu común, afitando asina los esfuercios individuales a nivel subsectorial.

Esti proyectu complementa amás otres llinies de trabayu, como los mentaos Planes d'Escelencia y Dinamización y supón un nuevu enfoque n'aplicación del Sistema de Calidá Turística Español, caracterizáu pola xestión coordinada del destín, l'aplicación n'andecha intersubsectorial de parámetros de calidá y la incorporación a esti proyectu de subsectores non necesariamente turísticos, pero sí rellacionaos cola calidá del destín.

Horarios

Está abierta todo el año.

• Horario d'iviernu: (de 1 d'ochobre a 31 de mayu) de 11:30 a 15:00 hores.
• Horario de branu (de 1 de xunu a 30 de setiembre) de llunes a viernes de 10:00 a 15:00 y de 17:00 a 20:00 hores. Sábados, domingos y festivos de 10:00 a 20:00 hores.

Visites guiaes Candás

De baldre y diaries. Previa reserva nel tfnu. 985 88 48 88.

Consúltanos

Facemos percorríos guiaos per Candás, El Centru d'Escultura "Muséu Antón", La Esposición Permanente de la Industria Conservera, El Muséu de Pintura Albentestate, Les Rutes Clarinianes, La Ruta del "Camín de les Muyeres de la Paxa'.

Diseñamos visites y percorríos a la carta acordies les edaes y perfiles de los y les turistes.

Teléfonu: 985 88 48 88
Corréu electrónicu: turismo@ayto-carreno.es

Documentos

• Encuesta de satisfacción