La biblioteca de Tamón, creóse nel añu 2006. Ta asitiada nel barriu Alredor de la Ilesia, nel propiu edificiu de la Escuela "El Xolín" de Tamón.

El so horariu, coincide col de l'Aldea Dixital de Tamón, que ta asitiada nes mesmes dependencies, siendo esti los miércoles, vienres y sábados pela tarde.

Dispón d'una colección de llibros d'unos 500 exemplares d'estremaos estilos: dende llibros de consulta, diccionarios, enciclopedies... hasta noveles, destacando sobre manera los rellacionaos col mundu infantil.

Ente les actividaes que se faen na biblioteca rescampla la esistencia d'un club de llectura p'adultos que s'aconceyen una vez al trimestre y qu'anguaño ta formáu por siete persones.

El club de llectura, formáu anguaño por siete persones, aconcéyase cada tres meses. Cada miembru encárgase de la llectura d'un llibru diferente pa depués comentalu nuna reunión conxunta. Los diferentes llibros intercámbiense de manera que, amás de fomentar la llectura y les rellaciones sociales, minimícense los recursos necesarios iguando la dificultá de consiguir tantos exemplares de llibros iguales.