Llexislatures anteriores - ayto-carreno
Llexislatures anteriores
Alcuerdos Plenarios Llexislatura 2015-2019:
Alcuerdu de Plenu de 27 de Setiembre de 2018
¿Primero.- Dexar ensin efectu'l réxime de dedicación esclusiva de D José Gabriel Rodríguez Fernández, según les retribuciones a percibir asignaes al mesmu.
Segundu.- Establecer que, con efectos del llunes día 8 d'ochobre, de 2018, Dª Cecilia Tascón Fernández, va exercer el so cargu en réxime de dedicación esclusiva.
Terceru.- Establecer a favor de Dª Cecilia Tascón Fernández, les retribuciones que se rellacionen darréu, que se van percibir en catorce pagues, doce que correspuenden a les mensualidaes del añu y les dos restantes correspondientes a les mensualidaes de xunu y avientu.
Cargu: Conceyala d'Urbanismu y Accesibilidá, Cultura, Educación y Recursos Humanos.
Retribuciones brutes añales: trenta mil trescientos setenta euros (30.370 EUR) en 14 pagues.
Les citaes retribuciones, de l'Alcaldesa y de la Concejala, van actualizase añalmente cola actualización de los/es funcionarios/es del Conceyu Carreño.¿
Descarga equí l'alcuerdu Plenariu de 27 de Setiembre de 2018
Alcuerdu de Plenu de fecha de 24 de Setiembre de 2015, de cambeos d'Alcuerdu de Plenu de 6 de xunetu de 2015, relativu al réxime de retribuciones y dedicación de los miembros de la corporación.
Primero.- Dexar ensin efectu'l réxime de dedicación esclusiva de Dª Melania Álvarez García, según les retribuciones a percibir asignaes a la mesma, con efectos dende la fecha de solicitú de cese (21 d'agostu de 2015).
Segundu.- Establecer que, con efectos del día 27 de setiembre de 2015, D. José Gabriel Rodríguez Fernández, va exercer el so cargu en réxime de dedicación esclusiva.
Terceru.- Establecer a favor de D. José Gabriel Rodríguez Fernández, les retribuciones que se rellacionen darréu, que se van percibir en catorce pagues, doce que correspuenden a les mensualidaes del añu y les dos restantes correspondientes a les mensualidaes de xunu y avientu.
Cargu: Conceyal d'Urbanismu y Accesibilidá, Mediu Ambiente, Anovación, Promoción Económica y Empléu, Deportes y Recursos Humanos.
Retribuciones brutes añales: trenta y cuatro mil ochocientos setenta con trenta y seis euros (34.870,36 EUR) en 14 pagues.
Les citaes retribuciones van actualizase añalmente conforme a les aplicaes a los/es emplegaos/es públicos/ques.
Descarga equí l'alcuerdu de plenu de fecha 24 de Setiembre
Alcuerdu del Plenu de 6 de xunetu de 2015, con efectos del día 07-07-2015 los/es integrantes de la Corporación que se rellacionen darréu, van exercer los sos cargos en réxime de dedicación esclusiva:
Dª Amelia Fernández López, Alcaldesa.
D. José Gabriel Rodríguez Fernández, conceyal d'Urbanismu y Accesibilidá, Mediu Ambiente, Anovación, Promoción Económica y Empléu, Deportes y Recursos Humanos.
Establecer a favor de les persones qu'integren esta Corporación que desempeñen les sos funciones en réxime de dedicación esclusiva, les retribuciones que se rellacionen darréu, que se van percibir en catorce pagues, doce que correspuenden a les mensualidaes del añu y les dos restantes que correspuenden a les mensualidaes de xunu y avientu.
Nome: Doña Amelia Fernández López.
Cargu: Alcaldesa.
Retribuciones brutes añales: 37.640 EUR (en 14 pagues).
*Les retribuciones netes propuestes de l'Alcaldesa equivalen a 3 vegaes el SMI.
Nome: Doña Melania Álvarez García.
Cargu: Conceyala d'Urbanismu y Accesibilidá, Mediu Ambiente, Anovación, Promoción Económica y Empléu, Atención Social y Recursos Humanos.
Retribuciones brutes añales: 30.370 EUR (en 14 pagues).
Equí puedes descargar l'alcuerdu plenariu onde s'afiten les retribuciones y dedicación de la Corporación
Equí puedes descargar la publicación nel B.O.P.A.
Dietes que perciben los/es conceyales non lliberaos/es:
Les retribuciones a conceyales y grupos políticos fueron aprobaes nunu de los primeros plenos d'esta llexislatura y tienen calter públicu, les actes de los plenos, el númberu de comisiones celebraes y la cuantía de les retribuciones tán publicaes na sección correspondiente dientro d'esta web municipal, onde s'inclúin toles actes y audios de los plenarios correspondientes nos que s'alcordó'l total retributivu.
Dietes por asistencia a sesiones d'Órganos Colexaos:
Plenu: Cada conceyal/a percibe pola so asistencia: 40 euros/Plenu.
Xunta de Gobiernu Local: Cada conceyal/a percibe pola so asistencia: 40 euros/Xunta.
Comisiones informatives: Cada conceyal/a percibe pola so asistencia: 40 euro/Comisión Informativa.
Equí puedes descargar les dietes percibíes nel añu 2018
Equí puedes descargar les dietes percibíes nel añu 2017
Equí puedes descargar les dietes percibíes nel añu 2016.
Tamién s'estableció con efectos del día 13-06-15, el siguiente réxime d'indemnizaciones: En materia de dietes, indemnizaciones y gastos de viaxe, va aplicase, una vegada autorizaos, el Real Decretu 236/1988 de 4 de marzu; asimilando a la Sra. Alcaldesa al Grupu 1 y al restu de Conceyales/as al Grupu 2.
Dietes percibíes polos/es representantes municipales nos organismos esternos
Asignación de los grupos políticos:
L'asignación económica a los grupos políticos con representación municipal tamién s'aprobó nunu de los primeros plenos d'esta llexislatura y tien calter públicu. Esta asignación va destinada al desarrollu de les actividaes propies o inherentes a l'actividá política de caúnu de los grupos nel consistoriu. Establecer con efectos del día de constitución d'esti Conceyu, a favor de los distintos Grupos Políticos Municipales, una indemnización mensual pa gastos realizaos nel exerciciu de les sos funciones, nes cuantíes que vienen darréu:
a) 50 Euros por cada conceyal/a electu/a.
b) 90 Euros por cada grupu municipal.
En concretu reciben 1.080 euros al añu por cada grupu y 600 euros añales por cada conceyal/a.
Equí puedes descargar l'asignación de los grupos políticos en 2018
Equí puedes descargar l'asignación de los grupos políticos en 2017
Equí puedes descargar l'asignación de los grupos políticos en 2016.
Alcuerdos Plenarios Llexislatura 2011-2015:
La única lliberación nel Conceyu nesta llexislatura 2011-2015 ye la de Dña. Amelia Fernández López, primer teniente alcalde y conceyala de Facienda, Zona Rural, Cultura y Igualdá, que recibe con efectos del día 11-07-2011 en réxime de dedicación esclusiva una retribución bruta añal de 20.851,47 EUR (en 14 pagues). Les retribuciones mentaes van actualizase añalmente na mesma forma que les del personal municipal.
Equí pues baxar l'alcuerdu plenariu onde se fixen les retribuciones y dedicación de la Corporación.
La conceyala y vicealcaldesa recibió nel 2012 el so sueldu de 1.200,64 euros/mes dempués de retenciones y amás, renunció per escrito y en rexistru a la paga estraordinaria de Navidá col envís de solidarizase colos y les trabayadores del Conceyu, que dexaron de recibir esa parte tan importante del sueldu pol Decretu Llei 20/2012, del 13 de xunetu, que suprime la paga estra de Navidá de los funcionarios nel 2012. Ye una renuncia voluntaria yá que decretu talu nun ye d'aplicación pa los y les conceyales con dedicación esclusiva..
Equí pues baxar la so solicitú de renuncia a la paga.
Dietes que reciben los y les conceyales non lliberaos/es:
Les retribuciones a conceyales y grupos políticos fueron aprobaes nún de los primeros plenos d'esta llexislatura y tienen calter públicu. Les actes de los Plenos, el númberu de Comisiones celebraes y la cuantía de les retribuciones tán publicaes na sección correspondiente dientro d'esta web municipal, onde s'inclúin toles actes y audios de los plenarios correspondientes nos que s'alcordó'l total retributivu.
Dietes por asistencia a sesiones d'órganos colexaos:
Plenu: cada conceyal/a recibe pola so asistencia: 40 euros/Plenu. La conceyala lliberada, dende'l día que sigue a la efectividá de la lliberación, nun recibe cantidá nenguna por esti conceptu.
Xunta de Gobiernu local. Cada conceyal/a recibe pola so asistencia: 40 euros/xunta. La conceyala lliberada nun recibe esta dieta.
Comisiones informatives. Cada conceyal/a recibe pola so asistencia: 40 euros/Comisión informativa. La conceyala lliberada nun recibe esta dieta.
Les retribuciones son variables mes a mes, dependiendo del númberu de sesiones que se celebren. Dende l'equipu de gobiernu, nel marcu de les midíes propuestes pol plan d'axuste, propúnxose un amenorgamientu y reagrupación de les comisiones informatives pasando de les 9 esistentes a 5 coles mires d'amenorgar costos y ameyorar la xestión. Propuesta tala foi refugada nel Plenu.
Equí pues baxar les dietes recibíes nel primer semestre del 2012.
Equí pues baxar les dietes recibíes nel segundu semestre del 2012.
Equí pues baxar les dietes recibíes nel primer semestre del 2013.
Equí pues baxar les dietes recibíes nel segundu semestre del 2013.
Equí pues baxar les dietes recibíes nel primer semestre dek 2014.
Equí pues baxar les dietes recibíes nel añu 2014
Tamién s'estableció con efectos del día 11-06-11, el siguiente réxime d'indemnizaciones: en materia de dietes, indemnizaciones y gastos de viaxe, va aplicase, en tando autorizaos, el Real Decretu 236/1988 del 4 de marzu; asimilando al Sr. alcalde al grupu 1 y al restu de conceyales al grupu 2.
Dietes recibíes polos/es representantes municipales nos organismos esternos
Añu 2012:
Equí pues consultar les dietes recibíes nesta añalidá pola representación nos organismos esternos.
Añu 2013:
Equí pues consultar les dietes recibíes nesta añalidá pola representación nos organismos esternos.
Asignación de los grupos políticos:
L'asignación económica a los grupos políticos con representación municipal tamién s'aprobó nún de los primeros plenos d'esta llexislatura y tien calter públicu. Esta asignación va destinada al desarrollu de les actividaes propies o inherentes a l'actividá política de caún de los grupos nel Consistoriu. Establecióse con efectos del día de constitución d'esti Conceyu, 11-06-11, a favor de los distintos grupos políticos municipales, una indemnización mensual pa gastos realizaos nel exerciciu de les sos funciones, nes cuantíes siguientes:
a) 50 euros per cada conceyal/a electu/a.
b) 90 euros per cada grupu municipal.
En concreto, reciben 1.080 euros al añu per cada grupu y 600 euros añales per cada conceyal/a.
Equí pues baxar l'asignación de los grupos políticos nel 2012.
Equí pues baxar l'asignación de los grupos políticos nel 2013.
Alcuerdos Plenarios de la Llexislatura 2007-2011
Equí pues baxar l'alcuerdu plenariu de la llexislatura 2007 - 2011.
Retribuciones de los cargos con dedicación esclusiva. Aprobáronse 3 dedicaciones esclusives: D. Manuel Ángel Riego González, alcalde, 3.285,71 euros/mes, D.ª Áurea Gutiérrez Suárez, conceyala, 1.489,39 euros/mes y D.ª Melania Álvarez Suárez, conceyala, 2.346,86 euros/mes. Les citaes retribuciones actualizáronse añalmente na mesma forma que les del personal municipal.
Dietes que recibieron los/les conceyales non lliberaos/es. Establecióse, con efectos del día 16-6-07 a favor de los miembros de la Corporación, el réxime d'indemnizaciones por asistencia a los Plenos, Xunta de Gobiernu local y Comisiones informatives: cincuenta euros (50.-euros)
En materia de dietes, indemnizaciones y gastos de viaxe, aplicóse, en tando autorizaos, el Real Decretu 462/2002 del 24 de mayu (asimilando al Sr. alcalde al grupu 1 y al restu de conceyales al grupu 2).
Asignación de los grupos políticos. Aprobóse una indemnización mensual a favor de los distintos grupos políticos municipales, pa gastos fechos nel exerciciu de les sos funciones y nes cuantíes que vienen darréu:
- Setenta y cinco euros (75.-euros) per cada conceyal/a electu/a.
- Cien euros (100.-euros) per cada grupu municipal.
Alcuerdos Plenarios de la Llexislatura 2003-2007
Equí pues baxar l'alcuerdu plenariu de la llexislatura 2003 - 2007.
Retribuciones de los cargos con dedicación esclusiva. Aprobáronse 3 dedicaciones esclusives: D. Manuel Ángel Riego González, alcalde, 3.113,27 euros/mes, D. Joaquín R. Rodríguez Rodríguez, conceyal, 2.195,82 EUR y D.ª Áurea Gutiérrez Suárez, conceyala, 1.240,25 euros/mes. Les citaes retribuciones actualizáronse añalmente na mesma forma que les del personal municipal, menos les correspondientes al Sr. Joaquín Rodríguez Rodríguez, del que les sos retribuciones s'actualizaron acordies lo que dispunxo'l conveniu aplicable na so empresa. Recibiéronles en catorce pagues, doce correspondientes a les mensualidaes del añu y les dos restantes correspondientes a les mensualidaes de xunu y avientu.
Dietes que recibieron los/les conceyales non lliberaos/es. Establecióse, con efectos del día 14-6-03, a favor de los miembros de la Corporación el réxime d'indemnizaciones por asistencia a los Plenos, Comisiones de Gobiernu y Comisiones informatives: cincuenta euros.
En materia de dietes, indemnizaciones y gastos de viaxe, aplicóse, en tando autorizaos, el Real Decretu 236/1988 del 4 de marzu; asimilando al Sr. alcalde al grupu 1 y al restu de conceyales al grupu 2.
Asignación de los grupos políticos. Establecióse, con efectos del día 14-6-03, a favor de los distintos grupos políticos municipales, una indemnización mensual pa gastos fechos nel exerciciu de les sos funciones, nes cuantíes siguientes:
- Cincuenta euros (50.-euros) per cada conceyal/a electu/a.
- Cien euros (100.-euros) per cada grupu municipal.
Alcuerdos Plenarios de la Llexislatura 1999-2003
Equí pues baxar l'alcuerdu plenariu de la Llexislatura 1999 - 2003.
Retribuciones de los cargos con dedicación esclusiva. Aprobáronse 3 dedicaciones esclusives: D. Manuel Ángel Riego González, alcalde, 478.571.-ptes/mes, D.ª María Jesús Aguilar Menéndez, conceyala, 407.142.- ptes/mes y D.ª Eva María Cabrera Martín, conceyala 285.714.- ptes/mes. Les citaes retribuciones actualizáronse añalmente na mesma forma que les del personal municipal.
Dietes que recibieron los/les conceyales non lliberaos/es. Por asistencia a los Plenos, Comisiones de Gobiernu y Comisiones informatives: cinco mil pesetes (5.000.-)
En materia de dietes, indemnizaciones y gastos de viaxe, aplicóse, en tando autorizaos, el Real Decretu 236/1988 del 4 de marzu; asimilando al Sr. alcalde al grupu 1 y al restu de conceyales al grupu 2.
Asignación de los grupos políticos. Establecióse a favor de los distintos grupos políticos municipales, una indemnización mensual pa gastos fechos nel exerciciu de les sos funciones, nes cuantíes que vienen darréu:
- Cinco mil pesetes mensuales per cada conceyal/a electu/a.
- Quince mil pesetes mensuales per cada grupu municipal.
Alcuerdos Plenarios de la Llexislatura 1995-1999
Retribuciones de los cargos con dedicación esclusiva:
Apruébase al Sr. Alcalde D. Joaquin Raimundo Fernández Rodríguez una retribución mensual de 90.000 pesetes mensuales en conceptu de gastos de representación y dase la dedicación esclusiva al conceyal D. Marcelino Menéndez Menéndez con un salariu en base a un funcionariu con categoría d'alministrativu (grupu C), nel Conveniu del Conceyu de Carreño y un complementu como dieta de 60.000 pesetes mensuales
Asignación económica pa grupos municipales:
Nél aprobóse l'asignación económica pa grupos municipales. Les cantidaes aprobaes fueron CAS (9.000 Ptes); PSOE (21.000 Ptes), PP (25.000 Ptes) y IX (33.000 Ptes.) mensuales.
Dietes que recibieron los/les conceyales non lliberaos/es: Establecer nel Plenu del 7 de xunetu del 1995 l'abonar una dieta de 3.000 ptes. por asistencia a Plenos, Comisiones de Gobiernu y Comisiones informatives.
Equí pues baxar l'alcuerdu plenariu del 07-07-1995
Dietes que recibieron los/les conceyales non lliberaos/es:
Equí pues baxar l'alcuerdu plenariu del 31-05-96. Alcordóse modificar l'alcuerdu plenariu tocante a dietes a conceyales por asistencia a sesiones d'órganos colexaos, sustituyendo'l conceptu "dietes" por "indemnización por desplazamientos". (2.500 ptes).
Alcuerdos Plenarios de la Llexislatura 1991-1995
Retribuciones de los cargos con dedicación esclusiva:
Equí pues baxar l'alcuerdu plenariu del 27-06-91. Alcordóse que l'alcalde y el conceyal de Cultura siguieren cola dedicación esclusiva.
Dietes que recibieron los/les conceyales non lliberaos/es:
Establecióse nel Plenu del 27 de xunu del 1991 abonar una dieta de 2.500 ptes. por asistencia a sesiones, comisiones y xuntes de voceros/es, pa tolos/es conceyales, sacante l'alcalde y el conceyal de Cultura que taben lliberaos.
Alcuerdos Plenarios de la Llexislatura 1987-1991
Retribuciones de los cargos con dedicación esclusiva:
Equí pues baxar l'alcuerdu plenariu del 16-07-87. Alcordóse la continuación de la dedicación esclusiva del Sr. alcalde, D. José Luis Vega Fernández "Pelís", y del conceyal de Cultura, D. Marcelino Menéndez Menéndez.
Equí pues baxar l'alcuerdu plenariu del 19-11-87. Alcordóse actualización salarial al Sr. alcalde y conceyal de Cultura. Al alcalde xubióse-y un 6.80% y reconocióse-y el cumplimientu d'un nuevu trieniu. No tocante al conceyal de Cultura, aplicóse-y un aumentu del 7%.
Equí pues baxar l'alcuerdu plenariu del 28-05-1988. Alcordóse actualización salarial al Sr. alcalde y conceyal D. Marcelino Menéndez Menéndez. Al alcalde xubióse-y un 5%. No tocante al conceyal D. Marcelino Menéndez Menéndez, aplicóse-y un aumentudel 5.5%
Alcuerdos Plenarios de la Llexislatura 1983-1987
Retribuciones de los cargos con dedicación esclusiva:
Equí pues baxar l'alcuerdu plenariu del 30-06-83. Alcordóse la dedicación esclusiva del conceyal, D. Marcelino Menéndez Menéndez por importe de 70.000 ptes, líquides mensuales, ensin derechu a pagues estres.
Equí pues baxar l'alcuerdu plenariu del 1-12-83. Procedió a actualizar la compensación económica asignada al Sr. alcalde, D. José Luis Vega Fernández "Pelís", con un líquidu a recibir en doceaves partes de 84.389 ptes, siendo la Seguridá Social por cuenta del Conceyu.
Equí pues baxar l'alcuerdu plenariu del 29-11-84. Aprobóse actualización salarial al Sr. alcalde, D. José Luis Vega Fernández "Pelís", aumentu correspondiente a l'aplicada nel Conveniu de la entidá bancaria onde desarrollaba servicios, que ye del 7,525% de tolos conceptos salariales.
Equí pues baxar l'alcuerdu plenariu del 7-11-85: Revisión salarial del Sr. alcalde, D. José Luis Vega Fernández "Pelís", y del conceyal D. Marcelino Menéndez Menéndez. Al Sr. alcalde aplicóse-y un aumentu del 7% conforme al Conveniu de la Banca y al conceyal D. Marcelino Menéndez de 10.000 ptes. mensuales líquides.
Equí pues baxar l'alcuerdu plenariu del 25-09-86: Aprobóse una revisión salarial al acalde y al conceyal de Cultura, D. Marcelino Menéndez. Al alcalde, un aumentu del 1,2% correspondiente a tol añu 1985 y sobre la cantidá resultante, el 7% y al conceyal D. Marcelino Menéndez xubióse-y la cantidá de 9.000 ptes., quedando la cantidá líquida a percibir en 89.000 ptes.
Alcuerdos Plenarios de la Llexislatura 1979 - 1983
Equí pues baxar l'alcuerdu plenariu 26-07-79.
Retribuciones de los cargos con dedicación esclusiva. Asignar al Sr. alcalde una cantidá similar a la que recibía nel so trabayu habitual, del que llogró escedencia, por importe de doce mensualidaes de 46.000 ptes., siendo de cuenta del Conceyu la Seguridá Social y l'IRPF.
Equí pues baxar l'alcuerdu plenariu 30-08-79.
Dietes que recibieron los/les conceyales non lliberaos/es. Alcordóse compensar a los/les conceyales los descuentos que nes sos retribuciones ficieren les empreses onde trabayaben, por asistencia a tou tipu d'actos municipales. Mesmamente, alcordóse compensar los viaxes qu'efectuaren en comisiones de serviciu con dietes similares a los/les funcionarios/es municipales, establecíes por Real Decretu 1474/1979, del 4 d'abril, ansí como compensar los viaxes fechos con vehículu propiu con cantidá qu'estableció la Comisión de Control.