Carreño ufierta un ampliu refileru de productos de calidá pal gociu de los paladares más esixentes coles sos pistonudes calderetes de pescaos y mariscos, fabada (fabes de Carreño), berces con fariñón (embutíu autóctono que ta fecho con sangre y fariña de maíz ente otres coses y qu'en compangu cola fabada da-y un tastu inconfundible, anque pue acompangar otros platos) y pote, too ello tresnao con productos de la güerta carreñina de gran bayura.

El postre por escelencia son les marañueles (riquísimes pastes dulces, grandes, dures y d'un tastu perbonu) y que son orixinales de Candás.

De tolo qu'equí podemos saborguiar podemos aconseyar lo que vien darréu:

Pa picar

• Un bon centollu del cantábricu con unos culinos (culetinos) de sidra.
• Unes andariques  pimpanudes.
• Una ración d'esguiles.
• Unes sardines a la plancha.
• Chipirones y calamares de potera.

Pa xintar

• Una tremenda fabada con fariñón.
• Una caldereta de mariscu.
• Una caldereta de pescáu.
• Una parrillada de mariscu.
• Una parrillada de pescáu.

Postre

Como postres es de obligación destacar:

• L'afamáu arroz con lleche.
• Les marañueles..

Guíes gastronómiques

• Baxa equí la guía gastronómica 2009 ' Sabores del Cantábrico'