Estas en:

Normes

Toles persones usuaries tienen accesu llibre y de baldre a les dependencies de la biblioteca. Mesmamente tienen derechu a la información sobre los servicios del centru y la forma d'usalos, pa ello puen dirixise al mostrador d'información allugáu nel pisu baxu.

Sicasí, y col enfotu d'algamar un bon funcionamientu de la biblioteca y el respetu a los derechos de toos, afítense unes normes mínimes de convivencia:

  • Guardar silenciu nes sales de llectura y falar baxo nel restu  les dependencies (escaleres, pasillos, llavabos...).
  • Desconectar los teléfonos móviles y usalos fuera del edificiu.
  • Nun fumar, nin comer nes sales.
  • Cuidar les instalaciones, les meses, sielles, estanteríes son de toos.
  • Caltener los documentos de la biblioteca curiosos enforma.
  • Si nun conocemos l'allugamientu d'un llibru o discu, hai qu'apurrilu en recepción: un llibru mal colocáu ye un llibru perdíu.

Pa lleer na biblioteca

Les sales de la biblioteca son de llibre accesu y tienen dos secciones:

  • Infantil-xuvenil (1er pisu) hasta una edá máxima de 14 años cumplíos.
  • Adultos (guardilla) pa xente dende los 15 años.

Amás contamos con una sala de publicaciones periódiques (pisu baxu) que ta abierta a tolos usuarios, ensin llende na  edá.

Pa llevar pa casa

Nun puen sacase:

  • Les enciclopedies y diccionarios y, en xeneral, aquelles obres de consulta d'usu frecuente.
  • Los exemplares de difícil reposición.
  • Les obres d'interés históricu, artísticu o bibliográficu.
  • Les publicaciones periódiques.

Pa facer usu del serviciu d'empréstamu ye necesario sacar una tarxeta de llector. Cada llector pue caltener n'empréstamu un máximu de dos llibros y dos discos per un plazu de 15 díes, que puen allargase (namái los llibros) otros 15 díes si les necesidaes del serviciu lo permiten.

Tou retrasu na devolución y tou estropiciu o perda van ser oxetu de sanción, obligándo-y al llector al pagu de los gastos orixinaos por reparación o reposición del llibru. Amás, va podese retira-y el derechu d'empréstamu per plazos de tiempu equivalentes al retrasu na devolución