Estas en:

Rutes Clarinianes

El conceyu de Carreño foi residencia braniega de Leopoldo Enrique García-Alas Ureña, "Clarín", durante casi tola so vida y asina ye motivu inspirador d'una considerable parte de la so producción lliteraria.

La presencia de Carreño na narrativa de Leopoldo Alas ye abonda enforma.

Hasta un total de catorce obres distintes amuesen les mentaes referencies: una novela, "La Regenta"; dos noveles inacabaes, "Palomares" y "Cuesta Abajo".

Tramo Viaje RedondoUna obra crítica desarrollada con calter narrativu, "Notas en prosa clara" de "A 0,50 poeta".

Tres noveles curties, "Doña Berta", "Cuervo" y "El cura de Vericueto", y siete cuentos, ¡Adiós, "Cordera"!, "Boroña", "El Quin", "Viaje redondo", "La trampa", "Snob" y "El sombrero del señor cura".
La Ruta Clariniana ye una esperiencia lliterario-turística única n'España.

Per primer vez la narración somorguia nel mesmu paisaxe, nel escenariu onde se desendolquen los fechos.

Capilla del Ángel, Ruta BoroñaTres son les obras y asina tres los tramos de la Ruta Clariniana: "Doña Berta" (3,5 kms), "Viaje Redondo" (8,3 kms) y "Boroña" (2,2 kms).

Y ye equí onde Clarín espeya l'entretexíu socio-económicu y l'arquitectura de los valles de Carreño, esi mundu rural que conocía tan bien.

Asina, con "Doña Berta" pasiamos per El Pieloro/Piedeloro; "Viaje Redondo" llévamos per Llorgozana y Quimarán/Guimarán, y el protagonista de "Boroña" asoleya al caminante-llector les parroquies de Priendes y Albandi.

Estos escenarios vivos tán chiscaos d'elementos singulares y únicos como les ilesies romániques, cases d'indianos, paneres decoraes al estilu Carreño, la Quinta de Clarín, casones, palacios, restos medievales, molinos, fontes, caseríes...

Dificultá: Media (Accesible)
Percorríu: 14 km.