Ruta que recuerre'l camín que tantes veces ficieren les sardineres candasines, que día tres día recorríen el conceyu de Carreño y los pueblos llenderos llevando enriba les sos cabeces les "paxes" (especie de cestes planes) enllenes de pescáu que vendíen al riscar na plaza d'El Fontán d'Uviéu.

El trayectu va dende la villa candasina siguiendo'l Camín Real Candás-Uviéu, peles cimeraes d'El Monte Areo, hasta la capiya de los Remedios qu'abelluga la imaxe de la Patrona Celestial de Carreño, única Virxe asturiana coronada canónicamente xunto cola de Cuadonga. Ehí na capiya, les sardineres candasines facíen un altu nel camín pa descansar y rezar.

Esta ruta pasar per dellos valles interiores del conceyu pa dar a la falda d'El Monte Areo.

Dificultá: Media

Recorríu: 8,6 km.