Estas en:

PERPA

Plan Estratéxicu de Residuos del Principáu d'Asturies 2014-2024

Nesti apartáu vas poder llograr información sobre'l  documentu preliminar del Plan Estratéxicu de Residuos del Principáu d'Asturies 2014-2024 (d'equí n'adelantre PERPA) y el so Informe de Sostenibilidá Ambiental (d'equí n'adelantre ISA) pa consultes y información pública a les Alministraciones afectaes y al públicu polo xeneral.

La finalización del plazu de vixencia del Plan Básicu de Xestión de Residuos d'Asturies 2001-2010, que recoyía los principios contemplaos na llexislación vixente nesta materia y la esistencia de nuevos preseos de planificación, tanto a nivel européu como estatal y autonómicu, según la entrada a valir de la nueva normativa sectorial, faen necesaria la ellaboración d'un nuevu plan autonómicu de xestión de residuos nel Principáu d'Asturies.  Por esti motivu'l Gobiernu del Principáu d'Asturies punxo en marcha la redacción del PERPA 2014-2024.

De conformidá colos artículos 10, 14 y 15 de la Llei 22/2011, de 28 de xunetu, de residuos y suelos contaminaos, los artículos 3.2.a y 10 de la Llei 9/2006 , de 28 d'abril, sobre evaluación de los efectos de determinaos planes y programes nel medioambiente, y la Resolución de 24 d'ochobre del 2012, de la Conseyería de Fomentu, Ordenación del Territoriu y Medioambiente, pola que s'aprueba'l documentu de referencia del Plan Estratéxicu de la Residuos del Principáu d'Asturies 2014-2024, ponse a disposición d'esti Conceyu'l PERPA y el so ISA, na so versión preliminar, al efectu de formular les allegaciones o suxerencies qu'abulten oportunes dientro del plazu establecíu de 45 hábiles.