Más de 50 años de cine, música y teatru nun pasaron desapercibíos. Ensin dir más p'allá, n'avientu del 2005, na Gala del Teatru - Premios Asturies de les Artes Escéniques - diose al Teatro Prendes de Candás el Premiu Honoríficu d'esi añu pol so compromisu col teatru y especialmente en reconocimientu al especial y importante impulsu que'l mentáu centru cultural candasín fizo nos últimos años col Teatru Costumista Asturianu, al traviés del  cada vez más esitosu y relevante Salón de Teatru Costumista Asturianu de Candás; siendo exemplu d'una política teatral a nivel rexonal y reconociéndo-y el so facer coherente pa favorecer la creación d'un públicu amante de les artes escéniques en toles sos vertientes.

Dende esi día, los/es espectadores puen ver espuesta, na ventaniella del teatru, la estatua en bronce de los premios y símbolu de los mesmos: una mázcara garrada ente dos manes, obra del artista llangreanu Luelmo.