Ruta arqueológica del Monte Areo - ayto-carreno
Ruta arqueolóxica d'El Monte Areo
Ruta señalizada na que se puen contemplar dos campos de túmulos identificaos: El Cierru los Llanos y Les Güelgues de San Pablo, dos atalayes naturales: La Peña´l Carru y La Peña Tocente y una zona d'humedal, Los Bayos de Selmo. Dispón d'área d'espardimientu
El Monte Areo - xusto na llinia que llenda col vecín conceyu de Xixón - tien escelentes exemplos d'arquitectura megalítica: túmulos construíos con capes alternes de tierra y piedra, que tapecen nel so interior la cámara sepulcral
El Monte Areo ye una de les mayores y más estenses necrópolis d'Asturies. Inclúi en poco más de 4 km túmulos de distintes dómines y modalidaes constructives. Ta declaráu Bien d¿Interés Cultural.
Encamentamos enantes facer esti itinerariu etnográficu y monumental un percorríu pel Aula Didáctica del Neolíticu allugada na rodiada del centru d'iniciativa rural de Quimarán/Guimarán y El Valle.
Teléfonu: 985 88 48 88
- Baxa equí la guía "Descubriendo los dólmenes d'El Monte Areo" - pdf, 4.71 Mb.
- Baxa equí'l mapa de mano coles rutes de los dólmenes del Areo - pdf, 1.31 Mb.