Faise'l remocicamientu y la reforma siguiendo les indicaciones de la Conseyería de Vivienda y Bienestar Social y el Conceyu de Carreño, col enfotu d'adaptar l'espaciu d'esti pisu pal centru d'apoyu propuestu pa la integración de persones discapacitaes.

El centru ta destináu a persones con discapacidá intelectual d'ente 18 y 50 años.

La previsión d'ocupación  ye de 40 a 50 places.

Les dependencies principales coles que tien de contar el centru son les siguientes:

• Espaciu de control, recepción y información.
• Cuartos pa talleres y actividaes.
• Un cuartu polivalente pa comedor y delles actividaes.
• Cocina.
• Vestuarios y baños.
• Dos despachos pa usos profesionales asociaos al centru.
• Sala xuntes pal equipu multidisciplinar.
• Almacenes.

La optimización d'espacios y funciones aconseya, y asina se contempló nel proyectu, qu'esistan amás un refileru d'espacios que tendrán de ser compartíos col centru de día pa les persones mayores dependientes y estos son:

• La cocina.
• Los aseos y vestuarios del Personal que va atender dambos centros.

Amás, va contar con una antoxana pequeña cubierta, na parte esterior del accesu al edificiu, pa resolver con ciertu grau de protección la llegada de persones usuaries al inmueble, sobre manera los díes d'agua.

Les superficies de los distintos compartimientos citaos enantes son los siguientes:

• Soportal 10,20 m².
• Estragal xeneral d'accesu 28,40 m².
• Nucleu d'escalera y ascensor 26,80 m².
• Recepción y control 9,70 m².
• Pasiellu de distribución accesu 30,70 m².
• Cuartu 1. Reposu y relaxación 74,20 m².
• Cuartu 2. Reposu y relaxación 64,80 m².
• Cuartu 3. Reposu y relaxación 26,70 m².
• Despachu 1 11,25 m².
• Despachu 2 11,25 m².
• Comedor y zona d'estancia 44,50 m².
• Zona de cocina 27.10 m².
• Despensa 4,10 m².
• Pasiellu distribución cocina 9,90 m².
• Bañu homes 12,60 m².
• Bañu muyeres 12,60 m².
• Cuartu llimpieza 1,60 m².
• Almacén pequeñu 1,60 m².
• Cuartu caldera 9,70 m².