Desarrollu local - ayto-carreno
Axencia de Desarrollu Local
Actividaes y Servicios
L'Axencia de Desarrollu Local, integrada na Rede Asturiana de Desarrollu Local (RADL), ye'l serviciu de desarrollu y fomentu del empléu y de la formación ocupacional que la Mancomunidá d'El Cabu Peñes pon al serviciu de la ciudadanía y les empreses de los conceyos de Carreño y de Gozón.
Funciones que desarrolla
L'Axencia de Desarrollu Local de la Mancomunidá d'El Cabu Peñes tien encomendaes, en cumplimientu del conveniu firmáu ente la Conseyería d'Industria y Empléu del Principáu d'Asturies y la propia Mancomunidá, les funciones que vienen darréu:
- Informar a les empreses de los instrumentos de promoción económica y fomentu de la competitividá empresarial disponibles, asina como facilitar el so accesu a los mesmos.
- Dar puxu a la cultura emprendedora fomentando iniciatives empresariales y sofitando nuevos proyectos d'autoempléu individual o colectivu, informando de les midíes de sofitu esistentes y poniendo en rellación emprendedores y recursos.
- Comunicar a empreses y emprendedores les subvenciones pa la formación y l'empléu, asina como facilita-yos l'accesu a les mesmes.
- Facilitar l'inxertamientu llaboral de les persones que demanden d'empléu, sobre manera de les que participen en polítiques actives d'empléu, identificando les necesidaes de personal de les empreses a curtiu y mediu plazu y proponiendo acciones de meyora del accesu al empléu de la población desempleada.
Contactu
L'Axencia de Desarrollu de la Mancomunidá d'El Cabu Peñes tien oficines abiertes nes capitales de los dos conceyos que constituyen la Mancomunidá (Carreño y Gozón).
Por ello, y énte la necesidá de caltener l'atención al públicu nes dos oficines al empar, encamiéntase pidir cita previa, llamando a los teléfonos qu'indicamos darréu:
Axencia de Desarrollu Local Mancomunidá d'El Cabu Peñes
- Dirección
- C/ Braulio Busto, nu 2, pisu baxu
- Códigu Postal
- 33430 Candás
- Teléfonu
- 985 87 24 21
- Fax
- 985 87 25 22
- Dirección
- C/ El Fuerte, e/n
- Códigu Postal
- 33440 Lluanco
- Teléfonu
- 985 88 35 32
- Fax
- 985 88 36 38
Corréu electrónicu: adl@mcabop.com
L'Horariu de l'Axencia ye de Llunes a viennes de 8:00 a 15:00 horas.