Cursos FIP

Contién el conxuntu d'acciones de Formación Profesional Ocupacional, empobinaes a persones desempleaes pa proporcionar les cualificaciones requeríes pol sistema productivu, aumentando la posibilidá d'inxertamientu llaboral cuando la so cualificación nun resulte enforma o afayadiza.

Esta formación intenta adaptase a les nueves esixencies y necesidaes del mercáu llaboral del conceyu.

El programa desarróllase en collaboración cola Conseyería d'Educación y Ciencia, y ta cofinanciáu pol Fondu Social Européu.

El Conceyu de Carreño, como entidá que collabora col Principáu d'Asturies, tien homologaes les siguientes especialidaes:

• Alfabetización informática: Internet.
• Alfabetización informática: Informática y Internet.
• Auxiliar de biblioteca y centros de documentación.
• Azafata - Auxiliar de congresos.
• Diseñador web y multimedia.
• Espertu/a en xestión de salarios y seguros sociales.
• Formador/a ocupacional.
• Francés, Atención al públicu.
• Francés, Xestión comercial.
• Informática d'usuariu/a.
• Aniciu a la rede Internet.
• Inglés. Atención al públicu.
• Inglés. Xestión comercial.
• Monitor/a sociocultural.
• Monitor/a tiempu llibre, infantil y xuvenil.
• Técnicu/a de software ofimáticu.
• Técnicu/a  n'información turística.urística.
• Atención especializada de enfermos d'Alzheimer.
• Inglés, Xestión Comercial.

Cursos FORMIC

Son acciones formatives coordinaes, pola Axencia de Desarrollu Local, que s'executen nel marcu del programa d'ayudes y beques en zones mineres del carbón que concede añalmente la Fundación pal Desarrollu de la Formación nes Zones Mineres del Carbón.

Añu 2009

El Conceyu de Carreño llogró financiamientu pal desarrollu d'un 'Cursu d'atención sociosanitaria a persones dependientes n'instituciones sociales'.

Oxetivu del cursu: atender a persones dependientes nel ámbitu sociosanitariu na institución onde se desarrolle la so actuación, aplicando les estratexes diseñaes pol equipu interdisciplinar competente y los procedimientos pa caltener y ameyorar la so autonomía personal y les sos rellaciones nel entornu.

Itinerariu formativu por módulos o programa del cursu

• Sofitu na organización d'intervenciones nel ámbitu institucional.
• Intervención n'atención hixénico-alimentaria n'instituciones.
• Intervención n'atención sociosanitaria n'instituciones.
• Sofitu sicosocial, atención rellacional y comunicativa n'instituciones.
• Módulu de práctiques profesionales non llaborales d'atención sociosanitaria a persones dependientes n'instituciones.

Duración: 450 hores.

Places disponibles: 13 alumnes.

Horariu: Va impartise nel Centru Polivalente , asitiáu na cai Bernardo Alfageme, de llunes a vienres, en xornaes de 5 hores / día. Va empezar, el vienres, 30 d'ochobre y va terminar el 16 de marzu del 2010.

Formación Continua pa presones trabayadores

Trátase de les acciones formatives, coordinaes pola Axencia de Desarrollu, col envís de meyorar la cualificación de la xente empleao del Conceyu, yá sía d'empreses privaes o de les Alministraciones Públiques locales.

Les actividaes formatives empobinaes a les persones trabayadores d'empreses privaes tán organizaes en cooperación con delles  entidaes formatives ensin ánimu d'arriquecimientu, y son cofinanciaes pol Fondu Social Européu.

Les acciones formatives programaes pa les persones trabayadores de les Alministraciones locales son cofinanciaes pol Institutu Nacional d'Alministración Pública.