Una de les manifestaciones más notables de la desigualdá ente homes y muyeres ye l'atapamientu de la muyer nel llinguaxe. Y ye precisamente'l llinguaxe, l'elementu que más inflúi na formación del pensamientu d'una sociedá. Entós, mientres la nuestra fala de tolos díes siga atapeciendo les muyeres, enxamás nun vamos algamar una sociedá igualitaria.

Ye por esto que dende'l Conceyu de Carreño, queremos collaborar activamente nel desaniciu del sexismu llingüísticu col espardimientu d'un manual de llinguaxe alministrativu non sexista.

L'oxetivu d'esti manual ellaboráu nel añu 2005 por Esther González Díaz, ye familiarizar al personal de l'Alministración del Conceyu de Carreño coles estratexes non sexistes que tien la llingua y sensibilizalu colos cambios que demanda la sociedá d'anguaño.

Y ye que te clara la so tremenda repercusión na población y asina resulta imprescindible l'enfotu y esfuerciu de l'Alministración pública nesta toma de conciencia colectiva, yá que, como s'afirma nel manual d'estilu del llinguaxe alministrativu del MAP (Madrid, 1990):

L'Alministración Pública ye esa realidá que nun se pue sortiar y qu'acompaña la vida del home [del ser humanu] dende'l trubiecu a la sepultura y del que'l so influxu s'alvierte na casi totalidá de los sectores qu'afecten al desenvolvimientu del individuu y de los grupos sociales.

Documentos

• Proyectu d'usu de llinguaxe non sexista - pdf, 1.16 Mb.
• Manual de llinguaxe non sexista del Conceyu de Carreño - pdf, 300 Kb.