Tramu Xivares-Aboño

Esti tramu de la Sienda Norte sal dende Xibares y pasa pel marxe derechu de la ría d'Aboño, onde agora alcontramos una esplanada destinada a usos industriales.

La fastera costera que ta ente La Campa Torres y Candás tien una naturaleza arenosa y ye un llugar onde se produz un pequeñu afloramientu de fonderes corrientes marines. Fórmase asina un bancu de pesca conocíu como La Igüera nel que ye tradicional dende antaño la pesca de la sardina..

Dificultá: Fácil

Recorríu: 1 km.

Tramu Piñeres-San Antonio

Sal dende'l barriu  Piñeres, onde se pue columbrar la villa de Candás y que foi ganando terrén hacia cuetes más altes y menos abellugaes dende'l so asitiamientu orixinariu, tapecíu  a esta vista no fondero de la vaguada.

Dende'l faru de San Antonio hacia l'oeste observamos no fondero la rasa onde s'asitia'l la villa marinera del conceyu vecín, Lluanco/Luanco  pa finar en La Punta'l Caballu  que tapez  La Punta  la Vaca. Cerquina, la costa d'Antromero presenta un altu interés xeolóxicu, cola particularidá de la suave caída hacia la mar de la península, poco frecuente na fastera marítima asturiana. Si siguimos andando  puen vese dos cañones reales del s. XVIII, la capiya de San Antonio y el Parque Escultóricu del Muséu Antón (acutando asina una distancia de 1 km)

Dificultá: Fácil

Recorríu: 450 m.