El Reglamentu de participación ciudadana revela'l compromisu del Conceyu ante la ciudadanía pa fomentar la participación democrática y la tresparencia nos asuntos públicos locales, acordies col ordenamientu constitucional y conforme a los principios qu'inspiren la Carta Europea de Salvaguarda de los Derechos Humanos a les ciudaes.

Esti compromisu municipal orienta la voluntá de crear y afitar un sistema de participación afayadizu a la democracia local que refuercie'l derechu constitucional a la participación nos asuntos públicos proclamáu nel artículu 23 de la Constitución.

Esti sistema de participación pretende estendese a tolos aspectos de la xestión pública local, tanto no que se refier puramente a actuaciones promovíes directamente pol Conceyu, el so gobiernu y el Plenu, como les feches por organismos autónomos, adoptando les midíes necesaries y específiques pa la so concreción nestos ámbitos.

Por esto, y en cumplimientu del mandatu del artículu 70 bis, apartáu 1 de la Llei 7/1985 Reguladora de Bases del Réxime Local, el Conceyu pon a disposición de la ciudadanía tolos preseos normativos y materiales al so alcance.

• Reglamentu de Participación Ciudadana (parte 1)
• Reglamentu de Participación Ciudadana (parte 2)