Conforme a lo establecío na llexislación vixente, considérense residuos urbanos o municipales, los xeneraos nes cases particulares, comercios, oficines y servicios, según toos aquellos que nun tengan la calificación de peligrosos y que pola so naturaleza o composición puean asemeyase a los producíos nos anteriores llugares o actividaes.

Recoyida de RSU nel casu urbanu de Candás pol sistema de baldes puerta a puerta.

• Horariu d'allugamientu de los baldes: dende les 18:30 hores.
• Horariu de depósitu de los residuos: dende les 21:30 hores.
• Horariu de recoyida de los residuos y baldes: dende les 23:30 hores.
• Frecuencia: diaria.

Recoyida de RSU na zona rural del conceyu y polígonos industriales pol sistema de contenedores.

• L'usu d'estos contenedores nun ta suxeta a nengún horariu.
• Frecuencia: De 2 a 3 veces per selmana (según localidá).

Recoyida selectiva de residuos

La recoyida de papel/cartón, vidriu y envases realízase pol sistema de contenedores soterraos o aéreos (iglúes).

L'usu d'estos contenedores nun ta suxeta a nengún horariu.

Recoyida de voluminosos (trastes vieyos, moblame, preseos, etc.)

Esti serviciu atiende les llamaes particulares recibíes nel Serviciu d'Obres del Conceyu y informa del horariu, día de recoyida y el puntu nel que la persona usuaria tien d'allugar l'artículu del que se desfai pa que l'equipu de trabayu lu retire nel día establecíu.

• Frecuencia: 1 o 2 veces al mes (según necesidá).
• Teléfonu de contactu: 985 87 07 19.

Recoyida d'aceites vexetales domésticos usaos

Contenedor especial asitiáu na cai Carlos Albo - empalme con Barceloneta (parque Santarúa).

Recoyida de piles usaes

Contenedores especiales allugaos en tolos edificios municipales y numberosos establecimientos comerciales.

Recoyida de cartuchos y toners d'impresora

Contenedores especiales asitiaos en tolos edificios municipales.

Recoyida de teléfonos móviles

Contenedor especial allugáu na Casa Conceyu - Conceyu de Carreño.

Recoyida de ropa

Contenedores especiales allugaos nes cais: Carlos Albo, Muyeres de la Paxa, La Iglesia, Grupo Primero de Mayo.

Recoyida de plásticos agrarios

Campaña de Xestión de la Recoyida de los Plásticos d'Usos Agrarios dirixida a los y les ganaderos/es y agricultores del nuestru conceyu.

Esti serviciu consiste nel allugamientu en dellos puntos distribuíos peles parroquies del conceyu (consultar información na Oficina de Mediu Ambiente Tfnu.: 985 87 02 05 Est. 102), de contenedores específicos pal depósitu de los plásticos d'ensiláu los primeros llunes de cada mes y la so retirada depués y treslláu al vertideru los martes de la selmana siguiente. Los sitios concretos de los contenedores comuníquense a los posibles usuarios/es al traviés de les asociaciones vecinales tolos meses enantes colocar los mesmos.

El serviciu entamó en payares del 2008 con 7 puntos de recoyida, amplióse a 12 dende payares del 2009 hasta ochobre del 2010 y va facese a la manera descrita enantes.

Recoyida d'aceites vexetales domésticos usaos

Contenedor especial allugáu na cai Carlos Albo - empalme con Barceloneta (parque Santarúa).

Contenedores especiales allugaos en: supermercáu Alimerka,  na avenida Reina Mª Cristina, Candás y supermercáu El Árbol na cai San Antonio, Candás. (Namás aceite usao y n'envases de plásticu)

Recoyida selectiva de vidriu n'establecimientos hosteleros

Contenedores pa vidriu con sistema d'elevación y baxa "ale-hop" diseñaos especialmente pa la baxa ensin esfuerzu, de grandes cantidaes de vidriu per parte de los hosteleros. Tamién disponen de dos furacos pal depósitu de vidriu per parte de la ciudadanía.

Los contenedores tán allugaos nes cais Pedro Herrero, Rosal, Arquitecto Reguera, Carlos Albo, Promadonga, Nicanor Piñole, Fernández Ladreda, Valdés Pumarino y nel muenye local.