N'alcordanza de les muyeres de la fábrica,  ye conocíu popularmente como'l parque de "Ojeda".

Ta allugáu en plenu centru neurálxicu de la población, ente les cais La Cruz, Rincón, avda. Reina María Cristina y avda. de la Constitución y arrodiáu pola carretera AS-239, Lluanco/Luanco-L'Empalme (Carrió). Ocupa una estensión d'unos 7.700 m2 y tien accesos dende les cais enantes mentaes.

Na zona baxa, con accesu pela avda. Constitución, alcuéntrase una área de servicios con zona de xuegos infantiles y un cuartu d'esposiciones qu'ocupa'l primitivu barcal o depósitu d'agua de la fábrica reseñada.

La segunda zona, a la que pasamos al traviés d'un paséu arboláu, constitúi un ampliu espaciu dotáu d'una plataforma d'unos 800 m2, destináu a allugar espectáculos y delles actividaes lúdiques y culturales.

Esti espaciu compleméntase con 6 graes p'allugamientu del públicu. Na grada más amplia, esiste un mural d'unos 30 m. de llargor por 1,5 m. d'altor, obra de Benjamín Menéndez, nel que se recrea una visión del Candás de los años 60.

La última zona ye un xardín botánicu, con una interesante y variada colección d'especies vexetales, ente les que podemos señalar un palmeral con más de 20 especies distintes. Dichu parque, foi inauguráu nel mes de mayu del 1999. El so estáu de caltenimientu ye bien bonu.

Documentos

• Baxar el folletu informativu sobre'l Parque Les Conserveres - pdf, 1.17 Mb.