Esti muséu ta asitiáu na plaza El Cueto, sobre l'antigua casa de los Estrada. Ye del sieglu XVIII y foi creáu n'honor al desapaecíu escultor y artista candasín, D. Antonio Rodríguez García, "Antón". Nel so interior espónense numberoses obres d'esti y otros autores.

Nos xardines a la vera esti muséu y albentestate, puen vese delles escultures. Rescamplen los murales albentestate fechos por pintores de procedencies delles. Destaquen dos trípticos, con escenes de la más enraigonada tradición relixosa candasina y de determinaos llabores rellacionaos cola pesca y que tán allugaos na c/ Pedro Herrero, frente al nu 14 y los que tán na c/ Braulio Busto nu 4, con una escenificación de la Selmana Santa candasina; toes estes pintures son obra del pintor local D. Alfredo Menéndez Menéndez.