Nel pisu baxu del edificiu atopamos el mostrador de recepción, onde'l personal de la biblioteca va informa-y sobre'l funcionamientu del centru: ónde buscar, cómo sacar el carné, qué periódicos tienen, ónde tán los boletinos oficiales, ... o cualesquier otra duda que tuviere.

Empréstamu

• Empréstamu de llibros. Tien a la so disposición un ampliu fondu de novela española, inglesa, francesa, y d'otres lliteratures, asina como llibros de temática variao: filosofía, relixones, biografíes, guíes de viaxe, política, deportes, cine, manualidaes...
• Empréstamu de CDs de música. La música ta presente na Biblioteca en formatu CD y anguaño disponen d'unos novecientos exemplares dixebraos en seis categoríes: música clásica, jazz, música tradicional, bandes sonores, pop-rock y infantil.

En sacando'l carné de sociu pue llevar pa casa un máximu de dos llibros y dos CDs pa un periodu de quince díes (consultar nel control la posibilidá d'ampliar el plazu d'empréstamu pa otros quince díes) Esti serviciu ye de baldre dafechu.

Consulta y referencia

La biblioteca de Candás dispón d'un fondu ampliu y actualizáu d'obres de consulta:

• Diccionarios enciclopédicos
• Diccionarios d'idiomes
• Diccionarios temáticos
• Enciclopedies d'Historia , de Ciencies Naturales, de Lliteratura, ...
• Manuales de temática variao
• Biografíes
• Anuarios

Tamién se pue consultar los boletinos oficiales: BOE, BOPA... sía en formatu papel como dixital.

P'acceder a esti serviciu nun fai falta disponer de tarxeta de llector.

Publicaciones periódiques

Equí va poder tener a la so disposición ocho diarios:

• La Nueva España
• El Comercio
• La Voz de Asturias
• La Voz de Avilés
• ABC
• El País
• El Mundo
• Marca

(Amás caltienen per 3 meses nuna pequeña hemeroteca de llibre consulta)

Les revistes perpasen los setenta títulos y la temática ye mui variao:

• Don Balón
• Gigantes
• Tiempo
• El Jueves
• Mía
• Marie Claire
• Viajar
• Natura
• Fotogramas
• Cocina Fácil
• Bricolaje y Decoración
• Rolling Stone
• ...

De toes puen consultase númberos atrasaos.

Nesti cuartu cuenten tamién con una interesante sección de recortes de prensa de Carreño nel que se recueyen cronolóxicamente toles noticies del conceyu apaecíes na prensa diario.

La colección tien dos partes: una ellaborada pol que fuere per munchos años corresponsal de prensa en Carreño, don José Ángel Alonso Jesús y que va dende 1972 a 1990, foi dada pol so  autor y encuadernada pol Conceyu. Y otra qu'entama nel 1987 y sigue anguaño fecha pol personal de la biblioteca.

Reprografía

Nel pisu baxu alcuéntrase una fotocopiadora  d'autoserviciu. El preciu de cada fotocopia ye de 0,05 cts. De toes toes, nun se van poder facer fotocopies de materiales que nun seyan de la biblioteca como apuntes, trabayos propios, documentación privao, etc.

Ta prohibida la reproducción d'obres que pola so antigüedá o estáu de conservación puean vese afectaes o pudieren estropiase enforma. En tou casu tien que respetase la vixente Llei de la Propiedá Intelectual.

Tarxeta de sociu/a

Pa poder acceder al serviciu d'empréstamu ye necesario tener un carné de sociu, pa lo ye de sobra  presentar el documentu nacional d'identidá o  pasaporte o tarxeta de residencia. Nel casu de los menores d'edá vamos necesitar la firma del pá, ma o tutor y el DNI d'unu d'ellos si'l menor nun tuviere'l mesmu. Esti serviciu permite llevar pa casa un máximu de dos llibros y dos discos per un periodu de quince díes.